Foto: aikyn.kz
Pavlodar oblysyndaǵy tasjolda jol apaty bolyp, júrgizýshi kóz jumdy, dep habarlaidy "Ult aqparat" Polisia.kz Telegram arnasyna silteme jasap.
IIM málimetinshe, 22 qańtarda saǵat shamamen 18:00-de Pavlodar - Qyzylorda tasjolynyń 1293-shaqyrymynda úsh kólik: VAZ 2110, Toyota Camry, Mercedes-Benz GL 450 jol apatyna ushyraǵan.
"JKO saldarynan VAZ 2110 kóliginiń 25 jastaǵy júrgizýshisi alǵan jaraqattarynan oqiǵa ornynda qaza boldy. Taǵy tórt adam zardap shekti. Olardyń biri - kámeletke tolmaǵan azamat. Bári ártúrli jaraqattarmen aýrýhanaǵa jatqyzyldy", - delingen habarlamada.
Kólik quraldary mamandandyrylǵan turaqqa qoiylǵan.
Bul derek boiynsha tekserý júrgiziledi. Birqatar saraptama taǵaiyndalǵan.
video: Astana TV
Eske salaiyq, apat 22 qańtarda keshki ýaqytta bolǵan, onyń videosy jariialandy. Kadrlarda tóńkerilgen kóliktiń mańynda birneshe adam turǵanyn kórýge bolady. Osy kezde olardy asqan jyldamdyqpen jol talǵamaityn kólik qaǵyp ketedi. Soqtyǵysý saldarynan bir adam qaza taýyp, taǵy úsheýi aýrýhanaǵa jetkizilgen.
