Foto: ashyq derekkózden
Pavlodar oblysynda jaiylymdyq jerler jekeniń qolyna zańsyz ótip ketken, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
Vedomstvo málimetinshe, Pavlodar oblysynda aýyl sharýashylyǵy maqsatyndaǵy shamamen 70% jer bar, onyń basym bóligi jeke menshikte jáne jer paidalanýda.
"Tekseris barysynda eldi mekender sheginde jaiylymdyq jerler men egistikter úshin jer ýchaskelerin berip, mindetti konkýrstyq rásimderdi elemei, paidalanǵany úshin tólemdi azaityp, laýazymdy tulǵalardyń quzyretine kirmeitin sheshimder qabyldaǵan eleýli zańbuzýshylyqtar anyqtaldy" - delingen habarlamada.
Atap aitqanda, bir ýchaske boiynsha jalǵa alýdyń jyldyq quny 50 mln. teńgeniń ornyna 60 myń teńge dep belgilengen.
Halyqtyń qajettilikteri úshin jaiylymdyq jerler tapshylyǵy bola tura, olar «bir qolǵa» berilgen.
"Mysaly, Ertis aýdanynda 47 myń gektar tapshylyq bolsa da, jer jeke tulǵalarǵa zańsyz berilgen.
Osyndai faktilerdiń biri boiynsha atalǵan aýdanda sot tártibimen aýdany 3 myń gektardan asatyn jaiylymdardy qaitarý qamtamasyz etildi.
Oblys prokýratýrasy Jer qatynastary salasynda laýazymdyq ókilettikterdi asyra paidalaný faktilerine qatysty Qylmystyq kodekstiń 361-baby 4-bóliginiń 3-tarmaǵy boiynsha sotqa deiingi tergep-tekserýdi bastady.
Tekserýler jalǵasyp jatyr" - delingen habarlamada.
