Foto: Polisia.kz
Pavlodar oblysynyń turǵynyn qorqytyp, aqsha bopsalaǵan úsh kúdikti qolǵa tústi, – dep habarlaidy Polisia.kz.
Uiymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý kezinde UQQKD qyzmetkerlerimen birlesip jáne Pavlodar oblysy prokýratýrasyn úilestirýimen bopsalaý qylmysy boiynsha kúdikke ilingen azamattardy ustaǵan.
Jergilikti turǵyn politsiiaǵa kúdiktilerdiń birneshe ai boiy qoqan-loqqy, zorlyq-zombylyq kórsetip, qolma-qol aqsha alǵanyn aitqan.
Politsiia qyzmetkerleri anyqtaǵandai, Aqsý qalasynyń úsh turǵyny ózderiniń dene bitimin paidalana otyryp, jábirlenýshiden júieli túrde aqsha bopsalai bastaǵan jáne 100 myń teńge iemdengen. Sondai-aq kúdiktilerdiń biri osyndai qylmys jasaǵany úshin tergeýde ekeni belgili boldy.
Foto: Polisia.kz
"Turǵylyqty jeri boiynsha tintý is-sharalary barysynda kúdiktilerden qoldan jasalǵan pyshaqtar, telefondar, sondai-aq ózge de zattai dáleldemeler tárkilendi. Qazirgi ýaqytta atalǵan derek boiynsha Qazaqstan Respýblikasy QK-niń 194-baby (Qorqytyp alý) boiynsha sotqa deiingi tergeý júrgizilip jatyr", – deidi Pavlodar oblysy PD uiymdasqan qylmysqa qarsy kúres basqarmasynyń bastyǵy Ǵabit Qabdrahmanov.
Osy baptyń sanktsiiasymen 3 jyldan 7 jylǵa deiin jaza qarastyrylǵan. Qazaqstan Respýblikasy Konstitýtsiiasynyń 77-baby 3-tarmaǵynyń 1-tarmaqshasyna, Qazaqstan Respýblikasy qylmystyq is júrgizý kodeksiniń 19-baby 1-bóligine sáikes onyń kinási sottyń zańdy kúshine engen úkimimen tanylǵanǵa deiin adam qylmys jasaǵany úshin kináli emes dep esepteledi.
