Pavlodar oblysynda sheneýnikter 13 jyl boiy "zeinetaqyny satyp kelgen". Bul týraly Ulttyq biýronyń Tengrinews.kz tilshisi joldaǵan resmi saýalǵa bergen jaýabynda aitylady.
Vedomstvo málimetinshe, oblystyq "Áleýmettik tólemderdiń vedomstvoaralyq esepteý ortalyǵy" departamenti basshysynyń orynbasary Lýkashova, Pavlodar oblysy boiynsha Eńbek, áleýmettik qorǵaý jáne kóshi-qon komiteti departamentiniń bólim basshysy Smaǵulova jáne taǵy basqa tulǵalar asa iri kólemde biýdjet qarajatyn urlaǵan.
"Qyzmetkerler uzaq ýaqyt boiy 2005 jyldan beri júieli túrde ózderiniń qyzmettik ókilettikterin paidalana otyryp, 300 myń teńgeden bastap 1 million teńgege deiin zańsyz túrde zeinetaqy rásimdep kelgen. Biraq ol turǵyndar áli zeinet jasyna jetpegen bolyp shyqty", - dep habarlady Ulttyq biýro ókilderi.
50-den asa jalǵan zeinetkeri anyqtalǵan. Osylaisha memleketke 120 million teńge kóleminde zalal keltirilgen. Zeinetaqy qujattry jalǵan qujattarmen jasalǵan.
"2018 jyldyń 15 mamyrynan bastap Smaǵulova úi qamaýyna alyndy. Al Lýkashova 31 mamyrda qamaýǵa alyndy. Qazirgi ýaqytta aiyptaý aktisi bar qylmystyq is prokýratýraǵa joldandy", - dedi vedomstvo ókilderi.
