71 jastaǵy er adam Qazaqstan azamaty bola tura Resei Federatsiiasy azamattyǵyn alyp, zańnamada belgilengen merzim ishinde shetel azamattyǵyn alǵanyn aitpaǵan, dep habarlaidy QazAqparat.
Bul týraly Pavlodar oblysy politsiia departamentiniń baspasóz qyzmeti málimdedi.
«Naýryz aiynyń 29-y kúni 71 jastaǵy er adam Qazaqstan Respýblikasy azamaty bola tura, Resei Federatsiiasy azamattyǵyn alyp, zańnamada belgilengen merzim ishinde shetel azamattyǵyn alǵanyn habarlamaǵan. Er adamnyń atyna QR ÁQBtK 496-babynyń 2-bóligi boiynsha ákimshilik material jasaldy. Sot materialdy qarap, shetel azamatyn el shekarý jóninde sheshim qabyldady», – dedi Sharbaqty aýdany politsiia bóliminiń bastyǵy Ermek Áljanov.
Aita keteiik, QR ÁQBtK 496-babynyń 2-bóligine sáikes el azamaty sheteldik azamattyqty alý týraly faktini Qazaqstan zańnamasynda belgilengen merzimde habarlamasa 200 AEK mólsherinde aiyppul tóleidi nemese Qazaqstan Respýblikasy shekarasynan shyǵarylady.
