Pavlodar oblysy Politsiia departamenti bastyǵynyń orynbasary biýdjet qarajatyn jymqyrdy degen kúdikpen ustaldy. Bul týraly QR Sybailas jemqorlyqqa qarsy is-qimyl agenttiginiń baspasóz qyzmeti habarlady, dep jazady QazAqparat.
«Sybailas jemqorlyqqa qarsy qyzmet IIM-men birlesip, ózara yntymaqtastyq týraly qol qoiylǵan memorandým aiasynda Pavlodar oblysy Politsiia departamenti bastyǵynyń orynbasaryn biýdjet qarajatyn jymqyrdy degen kúdikpen ustady. Vedomstvoaralyq jedel-tergeý toby quryldy. Ózge aqparat tergeý múddesinde jariia etilmeidi» delingen habarlamada.
