Foto: Pavlodar oblysy TJD
Pavlodar oblysynda jeke turǵyn úidegi órtten 64 jastaǵy er adam men 6 jasar bala qaza tapty. Ýlanǵan taǵy bir bala aýrýhanaǵa jetkizildi, - dep habarlaidy Tengrinews.kz portaly TJD baspasóz qyzmetine silteme jasap.
Vedomstvo málimetinshe, 19 jeltoqsanda saǵat 23.13 kezinde qutqarý qyzmetine órt týraly habar túsken.
Tereńkól aýdany Tereńkól aýyly Elgin kóshesi, 16 mekenjaiynda bir qabatty qamystan salynǵan úide órt tutanǵan. Jalyn shamamen 64 sharshy metr aýmaqty sharpyp, shatyr jartylai qulap qalǵan.
Órt sóndirý bólimi kelgenge deiin 2019 jyly týǵan qyzdy kórshisi qutqaryp úlgergen.
Ol aýrýhanaǵa jatqyzyldy. Bala kómirtegi totyǵynan ýlanǵan, oń qabaǵy jáne betiniń sol jaǵy birinshi dárejeli termiialyq kúiik alǵan.
Barlaý kezinde úiindiniń astynan 1958 jyly týǵan er adam men 2016 jyly týǵan balanyń kúigen denesi tabyldy.
Órt 20 jeltoqsan saǵat 01.47 shamasynda tolyq sóndirildi.
Tilsiz jaýmen kúreske barlyǵy 8 qyzmetker jáne 3 tehnika jumyldyryldy.
