.jpeg)
Foto: Polisia.kz
Ekibastuzda qos azamattyǵy bar turǵyn jaýapqa tartyldy, – dep habarlaidy «Ult aqparat» Polisia.kz-ke silteme jasap.
Qazaqstan Respýblikasynda qos azamattyqqa jol berilmeidi, iaǵni sheteldik azamat bir mezgilde bizdiń elimizdiń jáne basqa memlekettiń azamaty bola almaidy.
– Jyl basynan bastap Pavlodar oblysynda QR azamattyǵynan aiyrylǵan 463 adam tirkeldi, onyń 457-si basqa memlekettiń azamattyǵy bar ekendigi týraly ózdiginen habarlady, – dedi Pavlodar oblysy PD kóshi-qon qyzmeti basqarmasynyń bastyǵy Dáýlet Ysqaqov.
Basqa memlekettiń azamattyǵy bar adamdardyń qazaqstandyq qujattardy paidalanǵany úshin 3 azamat anyqtaldy, taǵy 11 buzýshy belgilengen merzimde basqa memlekettiń azamattyǵyn alǵany týraly habarlamaǵany úshin jaýapqa tartyldy.
Mysaly, politsiia Ekibastuz qalasynyń turǵynyn anyqtady, ol 2006 jyly bizdiń memlekettiń azamaty bola tura, kórshi memlekettiń azamattyǵyn alyp, pasport alǵan jáne bul faktini jasyryp, qazaqstandyq qujattaryn paidalanýdy jalǵastyrdy. Osy buzýshylyq úshin azamat ákimshilik jaýapkershilikke tartyldy jáne oǵan 369200 teńge somasynda aiyppul salyndy.
