Pavlodar oblysynda eki aǵaiyndy joǵalyp, biriniń denesi jazyq daladan tabyldy. Politsiiaǵa olardyń joǵalǵanyn Ekibastuzda turatyn ápkesi habarlaǵan, dep habarlaidy QazAqparat.
«19 qazan kúni Aqsý qalasynyń politsiia bólimine Ekibastuz turǵyny kelip, eki aǵasynyń iz-túzsiz joǵalǵany týraly ótinish jazǵan», - dep baiandady Pavlodar oblystyq politsiia departamentiniń baspasóz qyzmetinen.
Anyqtalǵandai, 5 qazan kúngi saǵat 17:00 shamasynda Aqjol aýylyna jaqyn ornalasqan sharýa qojalyǵynyń otarlyǵynan ketken 1967 jáne 1985 jylǵy aǵaiyndylardan osy kúni habar joq.
Aǵaiyndylardy izdeý jumystaryna politsiia jáne shekara mańy aýdandarynyń búkil jeke quramy jumyldyrylǵan.
Arnaiy jedel-izdestirý toby quryldy.
«25 qazan keshinde otarlyqtan 20 shaqyrym jerdegi jazyq dalada 1967 jylǵy er adamnyń zorlaý belgileri bolmaǵan óli denesi tabyldy. Sot-meditsinalyq saraptamanyń qorytyndysy boiynsha, er adamnyń ólimine deneniń qatty tonýy sebep bolǵan», - dep túiindedi politsiiadan.
Politsiia jáne Pavlodar oblysyndaǵy eriktiler ekinshi er adamdy izdeý jumystaryn jalǵastyryp jatyr.
