Pavlodar oblysynda elikter sany artyp kele jatqany baiqalady. Tek óńirdegi ormanshylar 500-den astam elikti esepke alǵan, dep habarlaidy QazAqparat Ravlodarnews.kz saityna silteme jasap.
Qazirgi ýaqytta qardyń qataiýyn kútken Pavlodar orman sharýashylyǵynyń mamandary janýarlarǵa qamqorlyq jasaý sharalaryn júzege asyryp jatyr.
- Bizdiń Pavlodar orman sharýashylyǵynyń ormanshylary 500-den astam basty esepke alǵan. Árbir ormanshy óziniń jabaiy janýarlardy esepke alý kúndeligine elikterdiń sanyn tirkep otyrady, - deidi mekeme basshysy Ajdar Júsipov.
Qyz mezgilinde janýarlarǵa qamqorlyq kórsetý maqsatynda ormanǵa 70 jemsalǵysh ornatyp, olardy jańa shóppen, sypyrǵyshpen toltyrady. Sonymen qatar jaqyn jerge tuz salady.
Kóbinese elikter men buǵylar, jabaiy qabandar qorektenedi.
Ormanshylar mundai jumysty júieli túrde júrgizip keledi. Astaýlar bosap qalǵan kezde qaitadan jańa tamaqpen toltyrady.
