Illiýstratsiialyq foto
Pavlodar oblysynda belgisiz zattan ýlanyp, qaitys bolǵandar sany jetige jetti, - dep habarlaidy Tengrinews.kz.
Densaýlyq saqtaý basqarmasynyń málimetinshe, marqum 28 mamyrda Ertis aýdandyq aýrýhanasynan Pavlodar qalalyq №3 aýrýhananyń jansaqtaý bólimine jetkizilgen. 48 jastaǵy er adamdy aman alyp qalý múmkin bolmaǵan.
"Ókinishke qarai, 29 mamyrda tańerteń belgisiz zattan ýlanǵan jeti naýqastyń sońǵysy qaitys boldy", - dep habarlady Pavlodar oblysynyń densaýlyq saqtaý basqarmasy ókilderi.
Eske salaiyq, Pavlodar oblysynyń Ertis aýylynda 7 er adam belgisiz zatpen ýlandy. Olardyń bári aýyl turǵyndarynyń birinde kanistrde saqtalǵan belgisiz suiyqtyqty ishken. Ýlanǵandardyń úsheýi úide, taǵy ekeýi Ertis aýdanynyń aýdandyq aýrýhanasynda qaitys boldy. Keiinirek taǵy bir adam qaitys boldy. Marqumdardyń arasynda áke men uly bar.
Bul derek boiynsha politseiler tekseris júrgizip, aýyl turǵyndarynyń deneleri sot saraptamasyna tapsyryldy. Sondai-aq, kanistrdegi suiyqtyq qaldyqtaryna saraptama taǵaiyndaldy.
