Foto: Polisia.kz
Pavlodar oblysynda azamattardyń 25 mln teńgesin jymqyrǵan alaiaqtardyń qylmystyq toby ustaldy, – dep habarlaidy "Ult aqparat" Polisia.kz portalyna silteme jasap.
Qylmystyq top túrli kómek kórsetý syltaýymen uzaq ýaqyt boiy Aqsý qalasynyń turǵyndarynyń, onyń ishinde Aqsý ferroqorytpa zaýyty qyzmetkerleriniń senimine kirip, úlken kólemdegi qarajatty iemdengen. Qylmystyq toptyń quramynda Aqsýdyń eki turǵyny bolǵan.
Ustaý sharalaryn Pavlodar oblysy prokýratýrasynyń úilestirýimen oblystyq politsiia vedomstvosynyń uiymdasqan qylmysqa qarsy kúres basqarmasynyń jedel qyzmetkerleri júrgizgen.
"Ustalǵan azamattar alaiaqtyqtyń 6 faktisine qatysy bar degen kúdikti ilinip otyr. Shyǵyn kólemi 25 mln teńgeden asady. Sondai-aq kúdiktilerdiń Pavlodar oblysynyń aýmaǵynda bolǵan basqa da qylmysqa qatysy bar-joǵy tekseriledi. Alaiaqtyq faktisi boiynsha sotqa deiingi tergeý júrgizilip jatyr. Kúdiktiler Aqsý qalalyq PB ÝUI-ǵa qamaýǵa alyndy," – dedi oblystyq PD UQQKB bastyǵynyń mindetin atqarýshy Dias Qadyrov.
Qazaqstan Respýblikasy Konstitýtsiiasynyń 77-baby 3-tarmaǵynyń 1-tarmaqshasyna, Qazaqstan Respýblikasy qylmystyq-protsessýaldyq kodeksiniń 19-baby 1-bóligine sáikes adam óziniń kinási sottyń zańdy kúshine engen úkimimen tanylǵanǵa deiin qylmys jasaǵany úshin kinásiz dep esepteledi.
