فوتو: Polisia.kz
پاۆلودار وبلىسىندا ازاماتتاردىڭ 25 ملن تەڭگەسٸن جىمقىرعان الاياقتاردىڭ قىلمىستىق توبى ۇستالدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
قىلمىستىق توپ تٷرلٸ كٶمەك كٶرسەتۋ سىلتاۋىمەن ۇزاق ۋاقىت بويى اقسۋ قالاسىنىڭ تۇرعىندارىنىڭ, ونىڭ ٸشٸندە اقسۋ فەرروقورىتپا زاۋىتى قىزمەتكەرلەرٸنٸڭ سەنٸمٸنە كٸرٸپ, ٷلكەن كٶلەمدەگٸ قاراجاتتى يەمدەنگەن. قىلمىستىق توپتىڭ قۇرامىندا اقسۋدىڭ ەكٸ تۇرعىنى بولعان.
ۇستاۋ شارالارىن پاۆلودار وبلىسى پروكۋراتۋراسىنىڭ ٷيلەستٸرۋٸمەن وبلىستىق پوليتسييا ۆەدومستۆوسىنىڭ ۇيىمداسقان قىلمىسقا قارسى كٷرەس باسقارماسىنىڭ جەدەل قىزمەتكەرلەرٸ جٷرگٸزگەن.
"ۇستالعان ازاماتتار الاياقتىقتىڭ 6 فاكتٸسٸنە قاتىسى بار دەگەن كٷدٸكتٸ ٸلٸنٸپ وتىر. شىعىن كٶلەمٸ 25 ملن تەڭگەدەن اسادى. سونداي-اق كٷدٸكتٸلەردٸڭ پاۆلودار وبلىسىنىڭ اۋماعىندا بولعان باسقا دا قىلمىسقا قاتىسى بار-جوعى تەكسەرٸلەدٸ. الاياقتىق فاكتٸسٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. كٷدٸكتٸلەر اقسۋ قالالىق پب ۋۇي-عا قاماۋعا الىندى," – دەدٸ وبلىستىق پد ۇققكب باستىعىنىڭ مٸندەتٸن اتقارۋشى دياس قادىروۆ.
قازاقستان رەسپۋبليكاسى كونستيتۋتسيياسىنىڭ 77-بابى 3-تارماعىنىڭ 1-تارماقشاسىنا, قازاقستان رەسپۋبليكاسى قىلمىستىق-پروتسەسسۋالدىق كودەكسٸنٸڭ 19-بابى 1-بٶلٸگٸنە سەيكەس ادام ٶزٸنٸڭ كٸنەسٸ سوتتىڭ زاڭدى كٷشٸنە ەنگەن ٷكٸمٸمەن تانىلعانعا دەيٸن قىلمىس جاساعانى ٷشٸن كٸنەسٸز دەپ ەسەپتەلەدٸ.
