QR Qarjy ministrligi Qarjy monitoringi komitetiniń Pavlodar oblysy boiynsha Ekonomikalyq tergeý departamentiniń qyzmetkerleri «Qazyna» jedel-aldyn alý is-sharasy aiasynda oblystyq prokýratýra qyzmetkerlerimen birlesip, oblystyń agroónerkásiptik keshen sýbektilerine bólingen biýdjet qarajatyn jymqyrý faktilerin anyqtady.
Pavlodar oblysynyń aýmaǵynda tirkelgen sharýa qojalyqtary Resei Federatsiiasynan iri qara mal satyp alý úshin «Sybaǵa» memlekettik baǵdarlamasy aiasynda biýdjetten jalpy somasy 233 mln. teńgege sýbsidiia alǵandyǵy anyqtaldy, dep habarlady QR Qarjy ministrliginiń QMK baspasóz qyzmeti.
Sýbsidiialar alý ótinimderine jáne iri qara malyn satyp alý-satý sharttaryna sáikes 2018-2019 jyldary oblys agrokásipkerleri RF kásiporyndarynan «Gereford» tuqymdy 1447 bas IQM satyp alyp, QR-na ákelgen. Alaida, RF ýákiletti organdarynyń málimeti boiynsha, iri qara malynyń eskporty qazaqstandyq birqatar sharýa qojalyqtaryna qatysty júzege asyrylmaǵan.
Tintý júrgizý barysynda mórler (onyń ishinde RF ýákiletti memlekettik mekemeleriniń mórleri), keńse jabdyqtary, aqsha qarajattary, býhgalterlik jáne basqa da qujattar tárkilenip alyndy.
«Kúdiktilerdiń áreketi QR QK 190-baby 4-b. sáikes baǵalanyp, múlki tárkilene otyryp, 7 jylǵa deiin bas bostandyǵynan aiyrylyýy múmkin. Búgingi tańda kúdiktiler 96 mln. teńgeden astam somada keltirilgen zalaldy respýblikalyq biýdjetke ótedi. Tergeý amaldary jalǵasýda» - delingen habarlamada.
