Óńirlik kommýnikatsiialar qyzmetinde ótken baspasóz máslihatynda oblystyq politsiia departamenti basshysynyń birinshi orynbasary Jasqairat Qaiyrov 17 jyl buryn ápkesin óltirgen adamnyń ustalǵanyn málim etti, dep habarlaidy "Ult aqparat" Pavlodarnews.kz-ke silteme jasap.
Jasqairat Qaiyrovtyń aitýynsha, Jelezin aýdanynda er adam ápkesin óltirgen. Saraptama nátijelerine sáikes kináli adam ustaldy.
«Tergeý bólimsheleriniń óndirisinde barlyǵy 2864 qylmystyq is boldy, onyń ishinde 1796 is ashylyp, sotqa joldandy, ashý paiyzy 75,2% qurady. 2004 jyldan beri qozǵalǵan qylmys ashyldy. Kriminaldyq politsiia qyzmetkerleri ótken jyldardaǵy 485 qylmys: onyń ishinde 1 adam óltirý, 2 densaýlyqqa aýyr ziian keltirý, 5 buzaqylyq, 10 tonaý, 1 qaraqshylyq shabýyl jáne 5 aidap áketý isi ashyldy», dedi ol.
Al qylmyskerlerdi izdestirý boiynsha jyl basynan beri izdeýde júrgen 50 adam ustalǵan. Onyń ishinde 2016 jyly kisi óltirgen bir adam Reseide qolǵa tústi.
«Búginde politsiia departamenti jedel qyzmettik jumystyń barlyq baǵyttary boiynsha ishki ister organdarynyń aldyna qoiylǵan mindetterdi tiimdi sheshýge múmkindik beretin turaqty rejimde jumys isteýde, - dep atap ótti oblystyq politsiia departamenti basshysynyń birinshi orynbasary.
