Vaktsinanyń kelip túsken tolyq kólemi Ǵ. Sultanov atyndaǵy oblystyq aýrýhananyń ortalyq qoimasyna saqtaýǵa jiberildi, dep habarlaidy QazAqparat.
«Pavlodar oblysyna «Komirnati» (Pfizer) vaktsinasynyń 29250 dozasy kelip tústi», - dep habarlady Pavlodar oblysy densaýlyq saqtaý basqarmasynyń baspasóz qyzmeti.
Oblystyq densaýlyq saqtaý basqarmasynyń málimetinshe, preparattyń birinshi komponenti Pavlodarǵa áýe kóligimen jetkizilgen.
Vaktsinanyń kelip túsken barlyq kólemi Ǵ.Sultanov atyndaǵy oblystyq aýrýhananyń ortalyq qoimasyna saqtaýǵa jiberildi.
«Búgingi tańda Pavlodar oblysynda 63180 adam «Komirnati» («Pfizer») vaktsinasyn alýy tiis. Bastapqy kezeńde 9917 adamdy, onyń ishinde 16 jastan 17 jasqa deiingi 6076 balany, júktiliktiń 16-37 apta kezeńinde júrgen 1508 júkti áieldi jáne bosanǵannan soń 42 kún ótkennen keiin 2333 áieldi egý kózdelip otyr», - dep naqtylady vedomstvo.
Sondai-aq, vedomstvo óńirde Tselsii shkalasy boiynsha -90-nan -60 gradýsqa deiingi tómen temperatýrada vaktsinany saqtaýǵa arnalǵan 4 muzdatqysh jabdyq bar ekenin jáne Pavlodar oblysynyń meditsinalyq uiymdaryndaǵy vaktsinalardy saqtaý jáne egý pýnkterine deiin tasymaldaý boiynsha salqyndatý tizbeginiń baǵyty ázirlengenin aitty.
