Pavlodar qalasynyń mańyndaǵy Jetekshi kentinde "Grinland Invest" JShS ósimdik maiyn shyǵaratyn zaýyt salýdy josparlap otyr, dep habarlaidy pavlodarnews.kz. Bul týraly búgin oblystyq ákimdikte ótken keńeitilgen otyrysta qala ákimi Nurjan Áshimbetov aitty.
"Qytailyq investorlar naýryz aiynyń basynda kelgen, – dedi Nurjan Áshimbetov. – Olar táýligine 100 tonna ónimdi óńdep, jylyna 30 myń tonna ósimdik maiyn shyǵarýdy josparlap otyr. Qazirgi tańda zaýytty jobalaý jumystary júrgizilýde. Jabdyqtardy jaz mezgilinde jetkizip, kúzde kásiporyndy iske qosýdy kózdep otyr".
Qala ákiminiń baspasóz qyzmeti usynǵan aqparatqa súiensek, nysannyń qurylysy aiaqtalǵannan keiin táýligine 300 tonna kúnbaǵys, zyǵyr, raps jáne maqsary mailary men jylyna 30 myń tonna jeýge jaramdy ósimdik maiy, 45 myń tonna kúnjara óndiriledi.
Jobanyń jalpy investitsiialyq quny 3 mln AQSh dollaryn quraidy.
Otandyq tehnologiialar men jabdyqtardy qoldanýdyń nátijesinde nysannyń qurylysyna jeti ai ýaqyt ketedi. Pavlodar jáne basqa oblystardan, kórshiles Resei elinen jetkiziletin shikizat – kúnbaǵys, zyǵyr, raps jáne maqsary dánderi qoldanylady. Kásiporynnyń qurylysyna 15-30 adam jumyldyrylady.
Investor "Sintszian TsziniaI Kommertsiia LLS" 2014 jyldan bastap, Qazaqstannan aýyl sharýashylyǵy ónimderin importtai bastaǵan. Qazaqstannyń kóptegen oblysynda shetel investitsiialaryn komissiialyq óńdeýge qatysqan. Elimizde maqsary dánderin shetten ákelý boiynsha birinshi oryn alady.
