Pavlodar oblysynda 2020 jylǵy 13 sáýirde saǵat 00.00-den bastap karantin engiziledi, - dep habarlaidy pavlodarnews.kz.
Pavlodar oblysynyń Bas memlekettik sanitarlyq dárigeri Zámzágúl Doshanova resmi qaýly qabyldady.
Qaýlyǵa sáikes Pavlodar oblysynyń aýmaǵynda 2020 jylǵy 13 sáýirde saǵat 00.00-den bastap kásipkerlik jáne (nemese) ózge qyzmetterdiń jáne turǵyndar ómiriniń erekshe sharttarymen karantin rejimi engiziledi.
Pavlodar oblysynyń ákimdigi, politsiia departamenti jáne barlyq múddeli memlekettik organdar halyqtyń tynys-tirshiligin qamtamasyz etý uiymdarynyń qyzmetkerlerin; meditsinalyq kórsetkishter boiynsha shyǵatyn jáne keletin adamdarǵa; karantindi engizý kezeńinde statsionarlarda jáne karantindik jáne provizorlyq statsionarlarda emdelýde júrgen adamdarǵa; shuǵyl mamandandyrylǵan kómekke muqtaj azamattarǵa; karantindik sharalardy qabyldaý shartymen rastaityn qujaty (anyqtama, jedelhat jáne t. b.) bolǵan kezde jaqyndarynyń qaitys bolýyna bailanysty ketetin/keletin adamdarǵa; rastaityn qujatty usynǵan kezde kóktemgi egis jumystaryn, tabiǵatty qorǵaý, veterinarlyq, aýyl sharýashylyǵy is-sharalaryn, bailanys obektileriniń qyzmetin júrgizýge tartylǵan adamdardy qospaǵanda, oblystyń, qalalardyń, aýdandardyń jáne aýyldyq aimaqtardyń aýmaǵyna shyǵýyna jáne kirýine tyiym salynady dep atap kórsetilgen qujatta.
Sondai aq avariialyq-qutqarý qyzmetteriniń, jedel meditsinalyq kómektiń qoljetimdiligin jáne úzdiksiz jumysyn qamtamasyz etýdi eskere otyryp, karantindik aimaqqa kirý/shyǵý pýnktterin anyqtaý; kvartaldar men sektorlarǵa bólip, oblystyń, qalalardyń, aýdandardyń jáne aýyldyq aimaqtardyń blok-beketterin belgilei otyryp, karantindik aimaqta júrýdi shekteý; KVI indeti tirkelgen aýmaqtardy politsiia departamentiniń qyzmetkerlerin tarta otyryp qorshaý; oblystyń aýyldyq aimaqtarynda áýejaidyń, temir jol vokzaldarynyń, avtovokzaldar men avtostantsiialardyń qyzmetin toqtata turý, qalaaralyq, aýdanaralyq avtobýs qatynastaryna, sondai-aq jeke tirkelmegen tasymaldaýǵa tyiym salý; tótenshe jaǵdai kezinde zeinetaqy, AÁK jáne basqa da áleýmettik tólemderdi alýǵa qajettiligi bar jeke tulǵalarǵa qyzmet kórsetýge arnalǵan jáne osy sanattaǵy tulǵalar úshin ózge de qyzmetterdi kórsetýge arnalǵan bólimshelerdiń úi-jailaryn qospaǵanda, ekinshi deńgeidegi bankter filialdarynyń, bólimsheleriniń jáne "Qazposhta" AQ bólimsheleriniń úi-jailaryn jabý; úi-jailarda osy sanattaǵy adamdardyń kútý aimaǵynda 2 metr qashyqtyqty belgileý, mindetti maskalyq rejimdi jáne sanitaizerlerdi ornatýdy qamtamasyz etý kózdelgen.
Buǵan qosa qaýlyda ýákiletti uiymdardyń shetel valiýtasymen aiyrbastaý operatsiialaryn júzege asyrý jónindegi qyzmetin toqtata turý; dezinfektsiialyq rejimdi kúsheite otyryp, aýyl sharýashylyǵy tehnikasyna arnalǵan qosalqy bólshekterdi, AJS satý obektilerin qospaǵanda, menshik nysanyna qaramastan, mektepke deiingi balalar mekemeleriniń, qyzmet kórsetý salasy obektileriniń (lombardtar, qoǵamdyq tamaqtaný obektileri, sanatoriiler men profilaktoriiler, kaliandar, kitaphanalar, mádeniet úileri, kinoteatrlar, teatrlar, balalar ortalyqtary, fitnes jáne jattyqtyrý zaldary, sport keshenderi, mektepten tys qosymsha bilim berý uiymdary, kompiýterlik jáne oiyn klýbtary, biliard, boýling-ortalyqtary, basseinder, saýnalar, monshalar, demalys bazalary, TQS, výlkanizatsiia obektileri, avtojýý jáne t. b.) qyzmetin toqtata turý; iri saýda obektileriniń, jármeńkelerdiń, azyq-túlik jáne azyq-túlik emes taýarlar rynoktarynyń, avtomobil, zattai jáne adamdar kóp jinalatyn basqa da obektilerdiń jumysyn toqtata turý; tranzittik júkterdi qospaǵanda, qoǵamdyq kóliktiń jumysyn toqtata turý; politsiia departamentiniń, qorǵanys departamentiniń kúshterin tarta otyryp, karantindik aýmaqty patrýldeý; dini maqsattaǵy obektilerdiń jumysyn toqtata turý; tamaq ónimderin, dári-dármekterdi satý boiynsha obektilerdiń jumys rejimin saǵat 9.00-den 20.00-ge deiin shekteý; oblystyń, qalalardyń, aýdandardyń jáne aýyldyq aimaqtardyń ishinde jeke kóliktiń ornyn aýystyrýdy shekteý; azyq-túlikti, birinshi kezektegi qajetti zattardy, dárilik zattar men meditsinalyq buiymdardy satyp alýdy qospaǵanda, turǵyndardyń turǵyn úiden shyǵýyn shekteý; rastaityn qujatty kórsetken kezde jumysqa shyǵý; turǵylyqty jeri boiynsha otbasylyq is-sharalardy ótkizýge tyiym salý; 65 jastan asqan adamdarǵa jáne erip júrýinsiz on segiz jasqa tolmaǵan adamdarǵa turǵyn úiden shyǵýǵa tyiym salý; adamdardyń jappai jinalatyn oryndaryna (saiabaqtar, skverler, jaǵalaýlar, alańdar, sport, aýla, balalar jáne oiyn alańdary) barýǵa tyiym salý; quqyq qorǵaý men arnaiy organdar, meditsinalyq mekemeler, kommýnaldyq qyzmetter, halyqtyń tynys-tirshiligin qamtamasyz etetin nysandardan basqa barlyq uiymdardyń qyzmetin toqtata turýdy nemese qashyqtyq rejimine ne onlainǵa kóshirý; karantinge tartylǵan barlyq qyzmetterdi shekteý sharalaryn júrgizý kezinde biologiialyq qaýipsizdik rejimimen qamtamasyz etý, olardy jeke qorǵanysh zattarymen, jeke gigienasyn saqtaýǵa qajet sharttarmen, zattarmen qamtamasyz etý, avtomobilderdi ótkizý beketteri men blokbeketterde halyqaralyq avtomobil júk tasymalyn iske asyratyn shyǵatyn avtokólikti dezinfektsiialyq óńdeý; qashyqtyqta qyzmet kórsetýge kóshýine orai tegin dári-dármek jetkizip, patsientterge úide qyzmet kórsetý úshin emhanalardy qosymsha kólikpen qamtý; turǵyn úilerdiń kireberisterinde, liftilerinde, memlekettik jáne memlekettik emes mekemelerde dezinfektsiialyq quraldardy paidalana otyryp, osy salada jumys tájiribesi bar mamandandyrylǵan uiymdardyń ne kásiptik daiarlyqtan jáne nusqamadan ótken mamandardyń kúnine keminde 2 ret ylǵaldy jinaý júrgizýdi qamtamasyz etý; azamattardyń kóshelerge shyǵý quqyǵynsyz úi karantini rejimin saqtaý boiynsha baqylaý jumystarymen qamtý; kósheler men qala qurylystaryna dezinfektsiia júrgizýdi uiymdastyrý (jeke dezinfektsiialyq kampaniialarmen); qalanyń azyq-túlik qaýipsizdigin qamtý men jaǵdaiyna baqylaý júrgizý; azyq-túlik saýda oryndary men dárihana nysandarynda, jumys oryndarynda bir birinen keminde 2 metr araqashyqtyqty saqtaý, betperde men qoldar úshin dezinfektsiialyq zatty qoldaný nemese bir ret qoldanylatyn qolǵaptar bólý; turǵyndardyń turǵylyqty jerden tys jerde júrý kezinde betperdelik rejimdi saqtaý; karantin rejimin saqtamaityn adamdardy ákimshilik jaýapkershilikke tartý qarastyrylǵan.
Sonymen qatar osy qujatta Pavlodar oblysynyń densaýlyq saqtaý basqarmasy:
1) koronavirýs infektsiiasyna kúdikti, joǵary temperatýraly KVI uqsas belgileri bar naýqastardy anyqtaý men oqshaýlaýdy, koronavirýs infektsiiasymen naýqastardy taýarlar men kórsetiletin qyzmetterdiń sapasy men qaýipsizdigin baqylaý departamentiniń aýmaqtyq basqarmalaryn birden habardar etýmen naýqastardyń emdelýin qamtamasyz etsin;
2) em men meditsinalyq tekseristen qashqaqtap júrgen naýqastar men qatynastaǵylardy izdestirýge politsiia departamentimen birlesip sharalar qoldansyn;
3) densaýlyq saqtaý uiymdarynda, karantin úshin belgilegen úi-jailarda, sondai-aq meditsina qyzmetkerleri úide meditsinalyq kómek kórsetý kezinde aýdio, foto jáne beine túsirilimderdi júrgizýge tyiym salsyn;
4) tegin ambýlatoriialyq dári-dármekpen qamtamasyz etý sheńberinde patsientterge úige retsepterdi onlain-berýdi nemese jetkizýdi uiymdastyrsyn;
5) BMSK dárigerlerin qabyldaýdy jáne ambýlatoriialyq-emhanalyq uiymdar dárigerleriniń konsýltatsiiasyn qashyqtyqtan qyzmet kórsetý formatyna aýystyrsyn;
6) josparly meditsinalyq qyzmet kórsetýdi shekteý/toqtatý boiynsha sheshim qabyldasyn (josparlyq gospitaldaý, profilaktikalyq qaralý, skriningter, ońaltý);
7) meditsinalyq personaldyń infektsiialyq qaýipsizdigin qamtamasyz etsin;
8) avtomobil ótkizý beketterinde, blok-beketterde oblysqa kirip/shyǵatyn tulǵalarǵa qatynassyz termometriia, saýalnama júrgizsin;
9) memlekettik shekaranyń avtomobil ótkizý pýnkterinde ekspress-testileý (kórsetkishter boiynsha) júrgizsin;
10) provizorly, infektsiialyq jáne karantindi bólimder (aýrýhanalardan) aýmaqtarynan shyǵatyn avtomobil kólikterine dezinfektsiialyq óńdeý júrgizilsin dep atap kórsetilgen.
Pavlodar oblysynyń kásipkerlik jáne saýda basqarmasy sharýashylyq sýbektileri, saýda nysandary, kommýnaldyq qyzmetter basqa da uiymdar basshylarymen karantin aýmaǵyna kirý/shyǵý boiynsha týálik ishinde túsindirmelik jumystar júrgizsin; kezekter boiynsha júieli jumysty uiymdastyryp, azyq-túlik bólimderine kirer jerde kezekte qashyqtyqty saqtaý boiynsha aqparattyq tablo uiymdastyrsyn; dúkender, sýpermarketter men saýda úileriniń barlyq kassalary aldynda ár 2 metr saiyn qozǵalys jolaǵy men qashyqtyq syzyǵyn-«jol belgisin» ornalastyrsyn; kassaǵa deiin 10 metr jerde qosymsha bógetter ornatsyn; kassirler jumysyn jeke qorǵanysh zattyrmen qamtamasyz etsin (betperdeler, qolǵaptar, antiseptikter paidalaný); kásipkerlik nysandaryna úige azyq-túlikti jetkizý boiynsha taýarlardy onlain satyp alý-satýda barynsha internet-resýrstardy paidalanýǵa usynys bersin. Ónerkásip kásiporyndarynyń sýbektileri (obektileri) nysanǵa kire beriske dezinfektsiialyq kedergi qoisyn (kilemshe), ony dezinfektsiialyq quralmen únemi sýlandyryp otyrsyn; qoldardy óńdeý úshin sanitaizerlerdi ornatsyn; ótkizý beketterinde qatynassyz termometr nemese teplovizor qoldansyn; virýsty juqpalarǵa kúdiktini jumysqa jibermesin; virýsty infektsiiaǵa kúdiktilerdi ýaqytsha oqshaýlaý úshin izoliator qarastyrsyn; dezinfektsiialyq rejimdi kúsheitsin (arnaiy dezinfektsiialyq quraldarmen ústelderdi, oryndyqtardy, eskalatorlardyń tutqalaryn, satylar men esikterdi, baspaldaqtar jaqtaýlaryn, liftterdi jáne edenderdi árbir úsh saǵat saiyn óńdeý); bólmelerdi únemi jeldetip otyrsyn, qajet bolǵanda bakteritsidti sham arqyly aýany zarasyzdandyrsyn; jumys aýysymy aiaqtalǵannan keiin dezinfektsiialyq quraldardy qoldana otyryp, barlyq bólmelerde jinastyrylyp jýý júrgizilsin; nysanǵa kiretin/shyǵatyn aýmaqta dezinfektsiialyq zattarmen táýligine 1 retten kem emes óńdeý júrgizsin; tamaqtaný oryndarynda sharalardy saqtasyn: óz-ózine qyzmet kórsetýine tyiym salsyn; personal jumysy kezinde bir rettik betperde men qolǵaptardy paidalansyn (3 saǵatta 1 ret aýystyrý); jiti respiratorlyq juqpalary bar personaldy jumysqa jibermesin; qoldardy óńdeý úshin sanitaizerler ornatsyn; bólmeler men quraldar-jabdyqtardy kúsheitilgen dez.rejimmen qamtamasyz etsin.
Osy qaýly 2020 jylǵy 13 sáýirde saǵat 00.00-den bastap kúshine enedi.
