Foto: Atyraý oblysy PD baspasóz qyzmeti
Pavlodar oblysynyń turǵynynan quny 2 mlrd teńge bolatyn kiik múiizderi tabyldy, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmeti málimetinshe, múiizderdi oblystyq PD-nyń UQQKB men UQKD qyzmetkerleri tárkilegen.
Ustalǵan Aqsý qalasynyń 49 jastaǵy turǵynynyń garajyn tintý kezinde kiik múiizderi saqtalǵan 8 jáshik tabylǵan. Bul rette, Qyzyl kitapqa engen janýardyń jalpy salmaǵy 170 kelige jýyq bolatyn 800-ge jýyq múiizi tárkilengen.
"Osy fakti boiynsha QR QK-niń 339-babynyń 1-1-bóligi boiynsha sotqa deiingi tergeý bastaldy. Kúdiktige qatysty kelý týraly mindetteme túrindegi bultartpaý sharasy tańdaldy. Birqatar saraptama taǵaiyndaldy, sonyń ishinde biologiialyq jáne trassologiialyq. Ustalǵandardyń memleketke keltirgen ziiany shamamen 2 mlrd teńgeni qurady", - dedi Pavlodar oblysy PD bastyǵy Vasilii Skliar.
