Búgin oblys ákimdiginde ótken keńeste óńir basshysy Bolat Baqaýov óziniń jańa orynbasaryn tanystyrdy, dep habarlaidy pavlodarnews.kz.
Budan bylai Pavlodar oblysynyń aýyl sharýashylyǵy máselelerine Almas Batanov jetekshilik etedi.
Eske sala keteiik, Pavlodar oblysy ákiminiń agroónerkásiptik keshen máseleleri jónindegi orynbasary laýazymy Qairat Núkenov Pavlodar ákimi bolǵannan keiin bosady. Bul qyzmetke taǵaiyndalǵan Almas Batanov buryn Qazaqstan Respýblikasy Prezidenti Ákimshiligi basshysy hatshylyǵynyń meńgerýshisi qyzmetin atqarǵan.
«Siz birden jumysqa kirisip, aýyl sharýashylyǵy ónimderin óńdeýdi qamtamasyz etýge jáne ósirýge, sondai-aq oblystyń eksporttyq múmkindikterin arttyrýǵa nazar aýdarýyńyz qajet», - dedi Bolat Baqaýov óziniń jańa orynbasaryna. «Aýyl sharýashylyǵynda jańa investitsiialyq jobalar qajet. Sondai-aq, Sizdiń nazaryńyzdy saladaǵy eńbek ónimdiligi men agroqurylym qyzmetkerleriniń eńbekaqysyn arttyrýǵa aýdaramyn».
Almas Batanov 1977 jyly týǵan. 2000 jyly Qazaq memlekettik agrarlyq ýniversitetin, 2004 jyly Almaty tehnologiia jáne biznes ýniversitetin, al 2010 jyly Nottingem ýniversitetin bitirgen. Eńbek jolyn 2000 jyly «Metrologiia» respýblikalyq memlekettik kásiporny Almaty filialynyń jetekshi mamany bolyp bastaǵan. 2000-2009 jyldar aralyǵynda Almaty jáne Astana qalalarynda «Qazaqstan metrologiia institýty» respýblikalyq memlekettik kásipornynyń bas mamany, bólim basshysy, basqarma basshysy, ortalyq basshysynyń orynbasary, ortalyq basshysy laýazymdaryn atqardy. 2013 jyldan 2016 jylǵa deiin Qazaqstan Respýblikasy Óńirlik damý ministrligi óńirlik monitoring jáne baǵalaý departamentiniń direktory, Qazaqstan Respýblikasy Premer-Ministri orynbasarynyń keńesshisi jáne Qazaqstan Respýblikasy Ulttyq ekonomika ministrligi Statistika komiteti tóraǵasynyń orynbasary qyzmetterin atqardy. 2016 jyldan bastap 2019 jyldyń sáýirine deiin Qazaqstan Respýblikasy Premer-Ministriniń Keńsesi basshysynyń orynbasary, Qazaqstan Respýblikasy Indýstriia jáne infraqurylymdyq damý ministrligi Indýstriialyq damý jáne ónerkásiptik qaýipsizdik komitetiniń tóraǵasy, sondai-aq Qazaqstan Respýblikasy Memlekettik hatshysy hatshylyǵynyń meńgerýshisi boldy.
