Pavlodar munai-himiia zaýytynda jóndeý jumystary bastaldy, dep habarlaidy "Ult aqparat" «QazMunaiGaz» UK AQ baspasóz qyzmetine silteme jasap.
«Qazaqstan Respýblikasynyń Energetika ministrligi bekitken jóndeý jumystaryn júrgizý kestesine sáikes 2020 jyly «Pavlodar munai-himiia zaýyty» JShS-de («PMHZ» JShS) aǵymdaǵy josparly-aldyn alý jóndeý jumystary osy jyldyń 25 mamyry men 13 maýsymy aralyǵynda josparlanǵan bolatyn«, - dep atap ótedi kompaniiadan.
Taratylǵan málimetke qaraǵanda, tótenshe jaǵdai tártibin saqtaý maqsatynda «PMHZ» JShS-de jóndeý jumystaryn qaýipsiz júrgizýin qamtamasyz etý boiynsha tiisti taldaý jasaldy. «PMHZ» JShS qyzmetkerleriniń qaýipsizdigin qamtamasyz etý úshin 8 saǵattyq jumys kestesi qoldanyla otyryp, jumystardy júrgizý kestesi men merdiger uiymdardyń jumys tártibi qaita qaraldy. Bul jóndeý jumystaryn júrgizetin qyzmetkerlerge jumys alańdarynda, qoǵamdyq tamaqtaný oryndarynda jáne tasymaldaý kezinde yńǵaily jaǵdai týǵyzady.
«Tótenshe jaǵdaidy eskerip jáne jumys kólemin tolyq oryndaý maqsatynda «PMHZ» JShS-de josparly-aldyn alý jóndeý jumystaryn 2020 jylǵy 25 sáýirde bastaý týraly sheshim qabyldandy. «QazMunaiGaz» UK AQ aqparatyna sáikes Atyraý jáne Shymkent munai óńdeý zaýyttary óz qyzmetin qalypty jaǵdaida jalǵastyrýda. Qolda bar qordy qosa alǵanda zaýyttardyń óndiris kólemi elimizdiń ishki naryqtaǵy aǵymdaǵy qajettiligin 3 aidan astam merzimge qamtamasyz etedi» delingen taratylǵan aqparatta.
