Qazaqstanda jariialanǵan tótenshe jaǵdaiǵa bailanysty Pavlodar oblystyq eńbek basqarmasy barlyq mekemelerdi onlain jumys rejimine kóshýge keńes berdi, dep habarlaidy "Ult aqparat".
«Qazaqstannyń eńbek zańnamasy eńbek qyzmetiniń túrli tetikterin - tolyq emes jumys ýaqyty rejimin engizý, qashyqtan jumys jasaýdy ornatý, basqa jumysqa ýaqytsha aýystyrý jáne taǵy basqalaryn qarastyrady. Mundai múmkindikter bolmaǵan jaǵdaida jumys berýshi qyzmetkerlerdi ýaqytsha jumyssyz qaldyrýǵa quqyǵy bar», - dep habarlady jýrnalisterge Pavlodar oblystyq eńbek basqarmasynan.
Eńbek sharty boiynsha, eger jumysty ýaqytsha toqtata turýdyń sebebi kásiporyn men qyzmetkerge bailanysty bolmasa, ol eńbek jáne ujymdyq shart boiynsha rásimdeledi.
Jumysty ýaqytsha toqtatý tólemi eń tómengi jalaqydan – 42500 teńgeden az bolmaýy tiis, dep atap ótti aimaqtyq basqarmadan.
«Eger uiym óz qyzmetin toqtatyp, qyzmetkerlerin tótenshe jaǵdai kezinde jalaqysy saqtalmaǵan eńbek demalysyna jiberse, eńbek basqarmasynyń ókilderi +77056092989 nómirine habarlasýdy suraidy. Habarlamany WhatsApp messendjeri arqyly jáne jasyryn túrde qaldyrýǵa bolady. Bul shara, eń aldymen, qolda bar faktilerge taldaý júrgizýge jáne tótenshe jaǵdai kezinde jumys berýshige kásiporyn qyzmetiniń qazirgi tetikteri týraly habardar etýge baǵyttalǵan», - dedi vedomstvodan.
Eske salaiyq, Qazaqstan Prezidenti Qasym-Jomart Toqaev koronavirýs infektsiiasynyń taralýyna bailanysty elimizde 16 naýryzdan bastap TJ rejimin engizdi. Ol 2020 jyldyń 15 sáýirine deiin jalǵasady.
