Búgin Pavlodar áýejaiyna Tokio-Seýl-Pavlodar baǵytymen ushyp kelgen evakýatsiialyq bort qondy. Áýe kemesindegi barlyq jolaýshylar – otandastarymyz, – dep habarlaidy pavlodarnews.kz.
Pavlodar oblysy taýarlar men qyzmetterdiń sapasy men qaýipsizdigin baqylaý departamentiniń málimdeýinshe, 156 adamdy tasymaldaý úshin 7 avtobýs uiymdastyrylyp, politsiianyń súiemeldeýimen mejeli orynǵa jetkizildi.
–Tokiodan ushar aldynda azamattar termometriiadan ótti, kelgen kezde arnaiy kostiým kigen epidemiologtar, meditsinalyq qyzmetkerler men barlyq qajetti qyzmet mamandary qarsy aldy. Is-áreket algoritmine sáikes, shetelden kelgender arasynda saýalnama jáne termometriia júrgizildi, olarǵa qorǵanysh betperdeleri berildi. Júk pen áýe kemesi arnaiy dezinfektsiialyq óńdeýden ótti, - deidi departamentte.
Barlyǵynan COVID-19-ǵa taldaý alyndy, nátijesi shyqqanǵa deiin jolaýshylar karantindi gospitalde bolady. Koronavirýsty infektsiia belgileri anyqtalǵan jaǵdaida naýqastar infektsiondy gospitalǵa jiberiledi.
