Pavlodar – Astana baǵytyndaǵy aqyly avtojoldyń bir bóliginde beton jabyndysynyń kóterilýi saldarynan birneshe kólikke zaqym kelgeni týraly aqparat tarady, dep habarlaidy ult.kz.
Áleýmettik jelilerde jariialanǵan málimetke sáikes, oqiǵa Spýtnik aýyly mańynda bolǵan. Jol jabynynyń deformatsiiaǵa ushyraýy júrgizýshiler úshin kútpegen jaǵdai týǵyzyp, keibir avtokólikterdiń tehnikalyq aqaýǵa ushyraýyna sebep bolǵan.
Júrgizýshiler mundai jaǵdailardyń jol qozǵalysy qaýipsizdigine tikelei áser etetinin aityp, joldyń tehnikalyq jaǵdaiyn baqylaýdy kúsheitý qajet ekenin alǵa tartýda. Sondai-aq olar joldaǵy aqaýlar týraly eskertýlerdiń der kezinde berilýi mańyzdy ekenin atap ótti.
Oqiǵaǵa bailanysty júrgizýshiler joldyń búlingen bóligin jedel jóndeýdi jáne zardap shekken avtokólik ieleriniń máselesin qarastyrýdy suraýda.
Qazirgi ýaqytta atalǵan jaǵdaiǵa qatysty resmi túsinikteme jariialanǵan joq.
