Foto: pavlodarnews.kz
Pavlodar oblysy ákimi Asaiyn Baihannyń sýreti jalǵan jarnamada qoldanylǵan. Bul týraly sheneýnik áleýmettik jelidegi paraqshasynda málimdedi.
Jarnamalarda onyń aty-jóni Erasyl Jaqsylyqov dep kórsetilgen.
"Sońǵy kezde maǵan Instagram áleýmettik jelisinde meniń sýretim beinelengen zańgerlik keńester berý týraly jarnamanyń skrinshottaryn jiberip jatyr.
Árine, meniń aty-jónim Jaqsylyqov Erasyl emes, men eshqandai tegin zańgerlik keńes bermeimin.
Sondyqtan men ózimniń zańgerlerime osy jarnama týraly anyqtaýdy tapsyrdym. Instagramda osyndai jarnama keziktirgen jazylýshylaryma ol jariialanymǵa shaǵym jasaýyn suraimyn. Sizderge osyndai kómek úshin alǵys aitamyn", - dep jazǵan ol jelide.
