videodan alynǵan kadr
Pavlodar qalasy ákiminiń orynbasary qamaýǵa alyndy, - dep habarlaidy "Ult aqparat" Antikor baspasóz qyzmetine silteme jasap.
"15 maýsymda Sybailas jemqorlyqqa qarsy qyzmet biznesti qorǵaý boiynsha qabyldanyp jatqan sharalar aiasynda kásipkerden para aldy degen kúdikpen joldardy jóndeýdegi memlekettik satyp alý shartyndaǵy oryndalǵan jumystardyń aktilerine kedergisiz qol qoiǵany úshin Pavlodar qalasy ákiminiń orynbasaryn ustady", - delingen habarlamada.
Bul is boiynsha sotaldy tergeý júrgizilip jatyr. Kúdikti Pavlodardaǵy PB ÝUI-na qamaýǵa alynǵan.
"QR QPK 201-babyna sáikes tergeý múddesi úshin ózge aqparat jariialanbaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi", - delingen agenttik habarlamasynda.
