Foto: Tengrinews.kz
Pavlodarda qala ákiminiń orynbasary Arslan Qaliiaqbarovtyń soty bastaldy. Oǵan qomaqty kólemde para aldy degen aiyp taǵylyp otyr, - dep habarlaidy Tengrinews.kz saity.
Sot málimetinshe, is boiynsha jábirlenýshi qala irgesindegi Kenjekól aýylyndaǵy úsh kósheni jóndeýmen ainalysqan 36 jastaǵy jergilikti kásipker ekeni belgili boldy.
"Qaliiakbarov qyzmet babyn paidalanyp, óz qyzmet babyn jeke materialdyq paida alý maqsatynda paidalana alatynyn túsinip, kásipkerden jumysqa qabyldaý kezinde qamqorlyq jasaǵany úshin para alý maqsatynda qylmystyq niette bolǵan. Maýsymnyń basynda depýtat Kenjnekól aýylyna asfalt tóseý sapasyn, onyń ishinde zardap shekken kompaniia jumys istegen aýmaqtardy tekserý úshin kelgen. Bul rette ol kásipkerge sapasyz qiyrshyq tas paidalanǵanyn aityp, ony jinaýǵa tapsyrma beredi. Al ákimge (shamamen aýyl) eskertýler joiylmaiynsha tólem jasamaýdy tapsyrdy", - dep aiyptaý aktisin oqydy prokýror Dýlat Beisembaev.
Is materialdaryna sáikes, maýsymda Kenjekól ákimi jartylai aiaqtalǵan jol jumystaryn qabyldap, bir aptaǵa jýyq ýaqyttan keiin 18,2 million teńge aýdarǵan.
"2023 jyldyń 13 maýsymynda Qaliiakbarov kásipkerge telefon soǵyp, kóshede kezdesýge kelisken. Ol 1,8 million teńge para talap etken, bul buryn kásipkerge jóndeý jumystaryn júrgizý úshin tólengen qarajattyń 10 paiyzyna sáikes keledi", - dedi prokýror Beisembaev.
Tergeý barysynda 14 maýsymda Qaliiakbarov kásipkerdi sol kúni keshke keńsesiniń demalys bólmesine shaqyryp, odan million teńge alǵan. 15 maýsymda kásipker qalǵan 800 myń teńgeni ákelip beredi.
"Osydan keiin ákimniń orynbasary ustalyp, qyzmettik kóliktiń júksalǵyshynan bir million teńge, demalys bólmesinen taǵy 800 myń teńge tárkilendi. Osylaisha, Qaliiaqbarov para alyp, aýyr sybailas jemqorlyq quqyq buzýshylyq jasaǵan", - dedi prokýror sotta.
Qaliiaqbarovtyń ózi arandatýshylyqty alǵa tartyp, taǵylǵan aiyppen kelispeidi. Sotta jaýap alynǵan jábirlenýshi kásipker Jánibek Qojahmetov istiń mán-jaiyn aityp berdi.
Onyń aitýynsha, Pavlodar qalasy ákiminiń orynbasary kásipker jóndep jatqan basqa da nysandar týraly biletinin aityp, WhatsApp arqyly hat jazǵan kórinedi. Bolashaqta tólemde qiyndyqtar týyndaidy dep qoryqqan kásipker aldymen sharttarmen kelisken, keiin sybailas jemqorlyqqa qarsy qyzmetke habarlasqan.
Resmi málimet boiynsha, is boiynsha 17 kýáger bar. Qaliiaqbarovqa qatysty is qaralyp jatqan bapta paranyń 50-den 60 eselengen mólsherinde aiyppul salý nemese múlki tárkilenip, belgili bir laýazymdardy atqarý quqyǵynan ómir boiyna aiyra otyryp, 3 jyldan 7 jylǵa deiingi merzimge bas bostandyǵynan aiyrý jazasy qarastyrylǵan.
Eske sala keteiik, Pavlodar ákiminiń orynbasary Qaliiaqbarov maýsymda paramen ustalǵan bolatyn. Sottyń ruqsatymen ol qamaýǵa alyndy.
