Balalarǵa Pavlodar qalasy ákiminiń atynan jańajyldyq syilyqtar saltanatty túrde tabys etildi, dep habarlaidy QazAqparat Pavlodarnews.kz saityna silteme jasap.
Pavlodar qalasy bilim bóliminiń málimetinshe, dástúr boiynsha, Jańa jyl qarsańynda Aiaz Ata men Aqshaqar – ata-anasynyń qamqorlyǵynsyz qalǵan jetim balalardy quttyqtady.
- Balalar arasynda koronavirýs infektsiiasynyń taralýyna jol bermeý maqsatynda Pavlodar qalasy ákiminiń jańajyldyq shyrshasy onlain formatta ótti, 181 balaǵa quttyqtaý hat, táttiler jáne 100 000 teńgeden berildi, - delingen habarlamada.
Pavlodar qalasynyń ákimi quttyqtaý hatynda balalarǵa oqýda joǵary jetistikterge jetýin jáne zor densaýlyq tiledi.
