Parlament Májilisi tóraǵasynyń orynbasary Pavel Kazantsev eldegi etnosaralyq kelisim, til máselesine qatysty oiymen bólisti. Bul týraly ol Facebook-tegi paraqshasynda jazdy, dep habarlaidy Baq.kz portaly.
Etnosaralyq kelisim, til máseleleri týraly oiymmen bóliskim keledi. Bizdiń elde bul másele boiynsha problemalar joq. Ártúrli ult ókilderi árqashan bir-birimen beibit ómir súrdi, ózara túsinisýde eshqashan problema bolǵan emes. Qazaq tili úlken rólge ie bolýda. Ártúrli ult ókilderi úshin bul ómirdiń ajyramas bóligi. Qazirgi kezde Qazaqstanda turyp jatqan ózge etnos ókilderiniń qazaq tilinde erkin sóileýi tań qaldyrmaidy. Munyń bári evoliýtsiialyq jolmen, májbúrleýsiz júrip jatyr, - dep jazdy ol.
Ol Qazaqstandaǵy etnosaralyq jaǵdaiǵa alańdap otyrǵandarǵa ileýde bireý kezdesetin oqiǵalar jaǵdaidy tutastai sipattamaitynyn aitty.
Biz bir-birimizben beibit ómir súrdik, aldaǵy ýaqytta da solai jalǵasa bermek, - dedi ol.
