Foto: t.me/world_news_eng_ru
Frantsýz sot biligi jeksenbide Telegram negizin qalaýshy Pavel Dýrovty qamaýda ustaý merzimin uzartty. Ol Parij áýejaiynda ózi qurǵan messendjerge qatysty quqyqbuzýshylyqtar jasady degen kúdikpen qamaýǵa alyndy, - dep habarlaidy «Ult aqparat» Tengrinews.kzke silteme jasap.
Bul týraly AFPda jazylǵan.
Tergeýge jaqyn derekkózdiń málimetinshe, Dýrovty qamaýǵa alý merzimi tergeý sýdiasynyń sheshimi boiynsha eń kóp degende 96 saǵatqa deiin sozylýy múmkin.
Osy kezeń aiaqtalǵannan keiin sýdia bosatý nemese aiyp taǵý jáne qamaýda ustaý merzimin uzartý týraly sheshim qabyldaýy múmkin.
Frantsýzdyq BAQ Frantsiianyń Ádilet ministrligi (OFMIN) alaiaqtyq, esirtki saýdasy, kiberbýlling, uiymdasqan qylmys jáne terrorizmdi nasihattaýdy qosa alǵanda, boljamdy qylmystardy aldyn ala tergeý aiasynda Dýrovty tutqyndaýǵa sanktsiia bergenin habarlady.
Dýrovqa onyń platformasyn qylmystyq paidalanýdyń jolyn kesý boiynsha sharalar qabyldanbady dep kúdik taǵyldy.
Buǵan jaýap retinde Telegram EO zańdaryn, sonyń ishinde tsifrlyq qyzmetter týraly zańdy ustanatynyn málimdedi jáne messendjerdegi moderatsiia "salalyq standarttarǵa sáikes keledi jáne únemi jetildirilip otyrady" dep atap ótti.
