Telegram messendjeriniń negizin qalaýshy Pavel Dýrov Qazaqstan jýrnalister odaǵynyń syilyǵyn ielendi, dep habarlaidy sputniknews.kz.
Odaq basqarmasy Dýrovtyń tsenzýra men memlekettiń adamdar arasyndaǵy erkin habar almasýǵa aralasýyna qarsy ustanymyn atap ótip, ymyrasyz dep baǵa berdi.
"Internet-joba" nominatsiiasy boiynsha "VKontakte" áleýmettik jelisi men Telegram messendjeriniń negizin qalaýshy Pavel Dýrov marapattalady", — dep jazylǵan Qazaqstan jýrnalister odaǵynyń saitynda.
Pavel Dýrov — reseilik kásipker jáne milliarder. TMD elderinde taralǵan "Vkontakte" áleýmettik jelisin jasap shyǵaryp, tanymaldyqqa ie boldy. 2014 jyly "VK" bas direktory qyzmetinen ketken. Laýazymyn bosatqanǵa deiin bir-eki jyl buryn Telegram messendjerin oilap tapty.
Qazaqstanda Telegram messendjerin paidalanǵanda oqtyn-oqtyn qiyndyqtar týyndap turady. Resmi vedomstvolardyń ókilderi túsindirgendei, onyń sebebi — elimizde ekstremistik dep tanylǵan "Demokraticheskii vybor Kazahstana" ("DVK" negizin qalaýshy – qashqyn bankir Muhtar Ábliazov) qozǵalysynyń materialdar taratýy.
