Qazaqstandaǵy aýyl balalaryna arnalǵan 356 000 dollar kólemindegi grantty Pavel Dýrov IQanat mektebine bóldi. Telegram platformasynyń negizin qalaýshy Pavel Dýrov bul qarjyny Qazaqstandaǵy aýyl mektepterinde bilim alatyn 12 balaǵa arnaiy bólip otyr, dep habarlaidy "Ult aqparat".
Aidyn Raqymbaevtyń aitýynsha, Dýrov mektepke kelgende aýyl balalarynyń jetistikterimen tanysyp, olardyń sheteldik ýniversitetterge túsý múmkindigine úlken qyzyǵýshylyq tanytqan.
Ol grant ala almaǵan balalardyń oqýy úshin qarjylai kómek kórsetýge sheshim qabyldaǵan. Sonyń nátijesinde, grant sanyn 12-ge deiin arttyryp, elimizdiń eń shalǵai aimaqtarynan shyqqan balalarǵa úlken múmkindikter berdi.
Raqymbaevtyń aitýynsha, bul bastama aýyl balalarynyń bilim alýyna úlken úles qosyp, olardyń bolashaǵyna senimmen qaraýyna múmkindik beredi.
