Frantsiiada tutqyndalǵan Telegram negizin qalaýshy Pavel Dýrov sot zalynda qamaýdan bosatyldy.
Frantsýz basylymy BFMTV málimetinshe, bul Dýrov tolyqtai aqtaldy degendi bildirmeidi.
"Tergeý sýdiasy birinshi ret jaýap alý jáne yqtimal aiyptaý maqsatynda Pavel Dýrovty qamaýda ustaýdy toqtatty", – delingen habarlamada.
Jelide Dýrovty sotqa apara jatqany beinelegen video paida boldy. Kásipker sot otyrysyna frantsýz jandarmeriiasynyń arnaiy shaǵyn avtobýsymen jetkizilgen. Kadrlardan kortejdiń kem degende alty kólikten turatynyn kórýge bolady.
Buǵan deiin Frantsiia prokýratýrasy Dýrovtyń aǵasy Nikolai Dýrovqa izdeý jariialaǵan edi.
Politico basylymynyń málimetinshe, Nikolai Dýrov messendjerdiń negizin qalaýshylardyń biri bolǵandyqtan izdeý jariialanǵan. Telegram jelisine balalarǵa jynystyq zorlyq-zombylyq jasaý isi boiynsha halyqaralyq uiymdarmen, sondai-aq politsiiamen yntymaqtastyqtan bas tartty degen aiyp taǵylǵan.
Eske salsaq, buǵan deiin Telegram negizin qalaýshy Pavel Dýrovtyń Frantsiiada ustalǵany týraly jazǵan edik. Dýrovqa Telegram-daǵy kontentti moderatsiialaýdan bas tartqany úshin terrorizm, esirtki saýdasy, aqshany jylystatý siiaqty aýyr qylmystarǵa qatysy bar degen aiyp taǵylǵan.
.jpg)