Foto ©REUTERS
Pavel Dýrov Braziliiada nege Telegram buǵattalǵanyn aitty, - dep habarlaidy Tengrinews.kz tilshisi RIA Novosti portalyna silteme jasap.
Braziliia Federaldy Joǵarǵy sotynyń sýdiasy jumada elde Telegram-ǵa tyiym salýdy buiyrdy. Sebebi messendjer bilikpen yntymaqtastyqtan bas tartqany aityldy.
"Bizdiń jáne Braziliia Joǵarǵy sotynyń korporativtik mekenjailarymy arasynda elektron hat almasýda qateler týyndaǵan siiaqty. Osy túsinbeýshiliktiń nátijesinde sot Telegram-dy buǵattaýǵa sheshim shyǵardy", - dep jazdy Dýrov blogynda.
"Komanda atynan Braziliianyń Joǵarǵy sotynan keshirim suraimyn... Telegram-dy ondaǵan million braziliialyq otbasymen, dostarymen jáne áriptesterimen qarym-qatynas jasaý úshin qoldanatyndyqtan, sottan biz Braziliiada ókil taǵaiyndap, jaǵdaidy túzetý úshin sheshimdi birneshe kúnge keiinge qaldyrýdy qarastyrýdy suraimyn", - dep qosty ol.
