"Patriotizm jáne jahandyq quzyretter" kýrsy engiziledi - BǴM

Qazaqstan mektepterinde jańa oqý jylynan bastap "Patriotizm jáne jahandyq quzyretter" kýrsy paida bolady.

BǴM baspasóz qyzmetiniń málimetinshe, 5-11 synyptarda "Patriotizm jáne jahandyq quzyretter" kýrsy fakýltativ formatynda oqytylady.

Kýrs mynadai modýlderden turady:

1. "Qarjylyq saýattylyq jáne kásipkerlik negizderi",
2. "Azamattyq",
3. "Parasattylyq pen ádep",
4. "Ekologiia mádenieti",
5. "Syni turǵydan oilaý",
6. "Zaiyrlylyq jáne dintaný negizderi",
7. "Media saýattylyq".

Synyptar men jas erekshelikterine qarai balalar osy baǵyttar boiynsha oqytylady.

Sondai-aq, Y.Altynsarin atyndaǵy Ulttyq bilim akademiiasynyń baspasóz qyzmeti habarlaǵandai, jańa oqý jylynda matematika boiynsha oqý júktemesi 1 saǵatqa ulǵaitylady: birinshi synyptarda – 2022-2023 oqý jylynda, al ekinshi synyptarda – kelesi oqý jylynda. Osylaisha bul synyptarda matematika sabaǵy ár kún saiyn ótedi. Bul oqýshylardyń matematikalyq saýattylyǵyn arttyrýǵa septigin tigizedi.

Budan bólek, "Kórkem eńbek" páni eki pánge bólinedi: "Eńbekke baýlý" jáne "Beineleý óneri".