Páterin jalǵa berip, ózderi basqa qalada turyp jatqan páter ieleri múlik ieleri birlestiginiń jiyndaryna elektrondy tsifrlyq qoltańba (ETsQ) arqyly qashyqtan daýys bere alady, dep habarlaidy "Ult aqparat".
Ortalyq kommýnikatsiialar qyzmetinde «Qoǵamdyq qorǵaýshy» úkimettik emes uiymynyń Almaty qalalyq filialynyń tóraǵasy Talǵat Muhamedǵaliev osylai málim etti.
«Múlik ieleri birlestigi arqyly ortaq kommýnaldyq shyǵyndardy jinaý kórsetkishi 95 paiyzdan 99-ǵa deiin ósip otyr. Iaǵni, boryshkerler qalmaidy dep aitýǵa bolady. Al páterin jaldap, ózderi basqa qalada turyp jatqandarǵa qatysty aitsaq, «Turǵyn úi qatynasy týraly» zańǵa túzetýler engizilgennen beri ETsQ arqyly qashyqtan daýys berý múmkindigi paida boldy», - dedi Talǵat Muhamedǵaliev.
