Tokio Olimpiadasynyń qola júldegeri Eldos Smetovke Aqtaý qalasynan páter men teńiz jaǵalaýynan jer telimi syiǵa tartyldy. Bul týraly bapker Ádil Bisenkul óziniń Instagram paraqshasynda jazdy, dep habarlaidy Sputnik Qazaqstan.
"Aýylǵa batyr kelse, han túiesin soiǵan" degendei elimizdiń abyroiyn, kók bairaǵymyzdy jelbiretip júrgen dziýdo kúresiniń álemdik arenadaǵy jaryq juldyzy Eldos batyrǵa shákirtim Miras Besbaiuly Saiynov Aqtaý shaharynan páter jáne oǵan qosa Rixos-tyń qasynan jekemenshik jer syilady", - deidi Bisenqul.
Sportshylar Mańǵystaý oblysynyń ákimi Serikbai Turymovtyń qabyldaýynda da boldy. Aimaq basshysy Olimpiada júldegerine 3 million teńgeniń sertifikatyn tabystady.
Dziýdoshy Eldos Smetov Qazaqstan prezidenti Qasym-Jomart Toqaevtyń jarlyǵymen HHHII jazǵy Olimpiada oiyndaryndaǵy joǵary sporttyq jetistigi úshin III dárejeli "Barys" ordenimen de marapattalǵan bolatyn.
Sonymen qatar Jambyl oblysynyń ákimi Berdibek Saparbaev Eldos Smetovke avtokólik kiltin tabystady.
Buǵan deiin de sportshyǵa Tokiodan elge oralǵan kezde Almaty áýejaiynda jańa kóliktiń kilti tabystalǵan bolatyn.
Eldos Smetov Taraz qalasynyń týmasy. Tokio Olipiadasynda dziýdoshy qola júldege ie boldy.
