Semeide azamattardy páter alyp berý, múgedektik rásimdeý jáne memlekettik baǵdarlamaǵa kezekke qoiý syltaýymen aldaǵan 45 jastaǵy er adam 4 jylǵa sottaldy, dep habarlaidy ult.kz.
Polisia.kz málimetinshe, er adam 2020–2022 jyldary birneshe azamattyń senimine kirip, túrli syltaýmen aqsha alǵan.
Jábirlenýshilerdiń birine memlekettik baǵdarlama arqyly arzan páter alyp berýge ýáde etip, keiin avtokólik, qurylys materialdary jáne basqa da máselelerdi sheshýge aqsha alǵan. Onyń jalpy shyǵyny 9,82 million teńgeni quraǵan.
Ekinshi jábirlenýshiden tómen baǵamen jyljymaityn múlik alyp berý, múgedektik rásimdeý jáne turǵyn úi kezegine qoiý ýádelerimen 5,28 million teńge alǵan.
Sotta onyń kinási jábirlenýshiler men kýálardyń aiǵaqtary, bank aýdarymdary jáne shot kóshirmeleri arqyly dáleldendi.
Sot er adamdy 4 jylǵa bas bostandyǵynan aiyrdy.
Politsiia azamattardy «aqshaǵa másele sheship beremin» dep ýáde etetin adamdarǵa senbeýge jáne beitanys adamdarǵa qarajat bermeýge shaqyrdy.
