Qazaqstandaǵy saiasi partiialar áleýmettik jelilerde qanshalyqty belsendi? Qoǵam qairatkeri Murat Ábenov ótkizgen forýmda sarapshylar osy suraqqa jaýap berdi, dep habarlaidy QazAqparat.
«Sailaý pandemiia kezinde ótip jatyr, tikelei kezdesýlerdiń formaty azaidy. Demek partiialar áleýmettik jelilerde kóbirek jumys júrgizýi kerek edi. Jaqynda saiasi partiialardyń áleýmettik jelilerine, atap aitqanda Facebook, Instagram, Telegram paraqshalarynyń kestesin ázirledim. Mysaly, «Nur Otan» partiiasynyń 228 myń (Instagram-da), Qazaqstan Halyq partiiasynyń 5 myń jazylýshysy bar. «Nur Otan» partiiasynyń post sany 4000, Halyq partiiasynyń 500-den astam posty bar. Áleýmettik jelilerdegi belsendiligi jaǵynan «Nur Otan», sodan keiin «Aq jol», odan soń «Aýyl», «Adal» jáne Qazaqstan Halyq partiiasy (QHP) tur», - dedi áleýmettanýshy Juldyzai Ysqaqova Sailau2021 sarapshylardyń onlain-forýmynda.
Sonymen birge jýrnalist ári saiasattanýshy Nikita Shatalov ta áleýmettik jelilerdegi qyzmet týraly óz pikirin bildirip, eldegi sailaý naýqanynyń tsifrlandyrý deńgeiin atap ótti.
«Qazaqstandyq áleýmettik jelilerdiń ereksheligi - adamdar negizinen áleýmettik jelilerden buryn messendjerlerdi paidalanýynda. Kim whatsapp-pen jumys isteýdi úirense, sol úlken aýditoriiaǵa ie bolady. Mysal keltireiin: Baidenniń kampaniiasy (Djo Baiden - Qurama Shtattardyń sailanǵan prezidenti) suhbattar, tikelei bailanystary bar qosymshaǵa negizdeldi. Sailaý naýqany kezinde biz mundai tsifrlandyrý deńgeiin kórgen emespiz», - dep sanaidy Nikita Shatalov.
