Parlament Senatynyń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» Zańyn eki oqylymda qarap, qabyldady, dep habarlaidy "Ult aqparat".
2016 jyly Memleket basshysynyń Jarlyǵymen Jer kodeksiniń jekelegen baptarynyń qoldanysyna moratorii engizilgeni belgili. Bul moratorii 2021 jyly 31 jeltoqsanda aiaqtalady.
«Sheteldikter boiynsha moratorii normalaryna keletin bolsaq, Memleket basshysy túpkilikti saiasi sheshim qabyldady. Ol boiynsha 2021 jyly 13 mamyrda aýyl sharýashylyǵy jerlerin sheteldikterge, sheteldik zańdy tulǵalarǵa berýge jáne satýǵa tolyq tyiym salýdy kózdeitin tiisti Zań qabyldandy. Qazaqstandyqtarǵa qatysty moratorii normalary boiynsha, sondai-aq jer zańnamasyn jetildirý maqsatynda Memleket basshysy Ulttyq qoǵamdyq senim keńesiniń besinshi otyrysynda Jer reformasy boiynsha komissiia qurýdy tapsyrdy. Barlyǵy Jer komissiiasynyń quramyna 80 adam kirdi, olardyń 75% azamattyq qoǵam ókilderi jáne táýelsiz sarapshylar boldy. Jer reformasy jónindegi komissiianyń jumysy kópshilik aldynda júrgizildi, onyń barlyq otyrystary onlain rejimde kórsetildi jáne áleýmettik saittarda jariialandy», - dedi Aýyl sharýashylyǵy ministri Saparhan Omarov.
Jer reformasy jónindegi komissiia aǵymdaǵy jylǵy 25 naýryzda jumysqa kirisip, 24 sáýirde jumysyn aiaqtady. Komissiianyń 5 otyrysy ótkizilip, onda 120-dan astam usynys kóterilip, jer zańnamasyn jetildirý boiynsha birqatar júieli usynymdar ázirlendi. Jer reformasy jónindegi komissiianyń usynystaryn iske asyrý maqsatynda «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» zań jobasy daiyndaldy.
«Ázirlengen zań jobasynyń maqsaty - jer zańnamasyn jetildirý, aýyl sharýashylyǵy maqsatyndaǵy jerlerdi jalǵa alý institýtyn retteý jáne jerdi paidalaný men qorǵaýǵa memlekettik baqylaýdy kúsheitý.
Zań jobasynyń negizgi ózgeristeri men tolyqtyrýlaryna toqtalsaq, qazaqstandyqtarǵa jáne qazaqstandyq zańdy tulǵalarǵa aýyl sharýashylyǵy maqsatyndaǵy jerlerdi 49 jylǵa deiingi merzimge jalǵa berý, jalǵa alý merzimi aiaqtalǵan kezde ony jańa merzimge uzartý quqyǵyn berý, sondai-aq memleketten satyp almai, jer paidalanýshylar arasynda aýyl sharýashylyǵy maqsatyndaǵy jerge jaldaý quqyǵyn ielikten shyǵarý. Bul rette, olardy paidalaný merzimi keminde 5 jyl, sondai-aq jer qatynastary organdaryn habarlaý mindetti shart bolyp sanalady», - dedi ministr.
Sonymen qatar qujatta myna mindetter eskerilgen:
- Jer resýrstaryn basqarý komitetine jerdi paidalaný men qorǵaýdy memlekettik baqylaý fýnktsiialaryn ákimdikterden qaitarý;
- aýyl sharýashylyǵy jerleriniń nysanaly maqsatyn «baq sharýashylyǵy» jáne «saiajai qurylysyna» ózgertýge tyiym salý;
- halyqtyń muqtajyn qanaǵattandyrý maqsatynda, jergilikti jaǵdailardy eskere otyryp, jaiylymdardy basqarý jónindegi josparlarda qajetti jaiylym alqabynyń shekarasyn aiqyndaý;
- berilgen aýyl sharýashylyǵy maqsatyndaǵy jer ýchaskeleri týraly málimetterdi memlekettik jer kadastrynyń internet-resýrsynda ashyq túrde ornalastyrý;
- aýyl sharýashylyǵy maqsatyndaǵy jerlerdi qazaqstandyqtarǵa jeke menshikke berýge moratoriidiń qoldanylý merzimin 2026 jylǵy 31 jeltoqsanǵa deiin uzartý.
«Ázirlengen zań jobasyn qabyldaý nátijesinde mynadai oń áleýmettik-ekonomikalyq saldar kútiledi:
jalǵa alynǵan aýyl sharýashylyǵy maqsatyndaǵy jerlerdi ekonomikalyq ainalymǵa tartý, jergilikti halyqtyń jaiylymdyq jerlerge qajettiligin qanaǵattandyrý, aýyl sharýashylyǵy jerleriniń nysanaly maqsatyn ózgertýge qoiylatyn talaptardy jáne jerdi paidalaný men qorǵaýǵa baqylaýdy kúsheitý, aýyl sharýashylyǵy maqsatyndaǵy jer ýchaskeleri boiynsha aqparattyń ashyqtyǵy. Jer zańnamasyna talqylanǵan túzetýlerdi qabyldaý agroónerkásiptik keshendi turaqty damytýdyń bir negizi bolyp otyr, óitkeni jer máseleleri - aýyl sharýashylyǵy ekonomikasyn damytýdyń negizgi faktorlary», - dedi Omarov.
