Foto: Tengrinews.kz/Turar Qazanǵapov
Búgin Májilistiń jalpy otyrysynda palata depýtattary «Respýblikalyq referendým týraly» QR Konstitýtsiialyq zańyna ózgerister men tolyqtyrý engizý týraly» QR Konstitýtsiialyq zań jobasyna Senat engizgen tolyqtyrýmen kelisti, dep habarlaidy QazAqparat.
Senatorlar engizgen tolyqtyrý boiynsha «Referendým týraly» Zańnan Elbasy týraly norma alynyp tastaldy.
«Bul Konstitýtsiialyq zań jobasyn Qazaqstan Respýblikasy Parlamentiniń depýtattary ázirledi. Ózderińizge belgili, zań jobasyn biyl 4 mamyr Parlament Májilisi maquldap, Senattyń qaraýyna jibergen bolatyn. Zań jobasyn Parlament Senatynda qaraý barysynda qosymsha tolyqtyrý engizildi. Bul tolyqtyrý Komitet otyrysynda qaraldy. Senat, respýblikalyq referendýmnyń nysanasy bola almaityn máselelerdi naqtylaý maqsatynda, «Respýblikalyq referendým týraly» Konstitýtsiialyq zańnyń 3-baby 2)-tarmaqshasyn jańa redaktsiiada usynyp otyr. Atap aitatyn bolsaq, «memlekettiń táýelsizdigin, Respýblikanyń birtutastyǵy men aýmaqtyq tutastyǵyn, ony basqarý nysanyn, Respýblika qyzmetiniń túbegeili qaǵidattaryn ózgertý» máseleleri referendým talqysyna qoiylatyn máseleler bola almaidy», - dedi Májilistiń Zańnama jáne sot-quqyqtyq reforma komitetiniń tóraǵasy Arman Qojahmetov.
Onyń aitýynsha, Parlament Senaty osy tarmaqshanyń qoldanystaǵy redaktsiiacyndaǵy «Táýelsiz Qazaqstannyń Negizin salýshy, Qazaqstan Respýblikasynyń Tuńǵysh Prezidenti – Elbasy irgesin qalaǵan Respýblika qyzmetiniń túbegeili printsipterin jáne Qazaqstan Respýblikasynyń Tuńǵysh Prezidenti – Elbasynyń mártebesin ózgertý» degen sózderdi alyp tastaýdy usyndy.
«Qoryta kelgende, «Respýblikalyq referendým týraly» Qazaqstan Respýblikasynyń Konstitýtsiialyq zańyna ózgerister men tolyqtyrý engizý týraly» Konstitýtsiialyq zań jobasyna Parlament Senaty engizgen tolyqtyrýmen kelisýdi usynamyz», - dedi komitet tóraǵasy.
Atap aitqanda, palata otyrysyna qatysqan 96 depýtattyń barlyǵy atalǵan ózgeristerge qoldaý bildirdi.
Endi bul qujat Memleket basshysyna qol qoiýǵa jiberiledi.
Budan buryn habarlanǵandai, búgin Senattyń jalpy otyrysynda «Respýblikalyq referendým týraly» Qazaqstan Respýblikasynyń Konstitýtsiialyq zańyna ózgerister men tolyqtyrý engizý týraly» Konstitýtsiialyq zań jobasy qaraldy. Qujatqa túzetýler engizilgendikten zań jobasy Májiliske qaitaryldy.
Qujattyń burynǵy nusqasy boiynsha Tuńǵysh Prezidenttiń mártebesine qatysty máseleler respýblikalyq referendýmnyń nysanasy bola almaidy. Senat depýtattary bul normany zań jobasynan alyp tastaýdy usyndy. Túzetý qoldanystaǵy Zańnyń 3-babynyń 2-tarmaǵy týraly bolyp otyr.
