Májilis tóraǵasy Erlan Qoshanov parlament taratylýy múmkin degen qaýesetke túsinikteme berdi, dep habarlaidy Sputnik Qazaqstan.
"Ázirge mundai másele talqylanyp jatqan joq. Jýyrda prezident saiasi reformalardy jariialady. Biz jyl sońyna deiin konstitýtsiialyq zańdar men basqa zańdardy qabyldaýymyz kerek. Ázirge atalǵan máseleni talqylaǵan joqpyz", - dedi Qoshanov Májilis kýlýarynda.
Spiker kez kelgen partiia saiasi kúreske daiyn bolýǵa tiis ekenin atap ótti.
"Eger erteń sailaý bolady dese, árine, bizdiń partiia oǵan daiyn", - dedi ol.
Sondai-aq, Qoshanov Prezident Qasym-Jomart Toqaevtyń Amanat partiiasynan shyǵýy partiialardyń saiasi básekelestigin kúsheitetinin aitty.
"Biz parlamenttegi orynǵa teń dárejede talasýymyz kerek. Bul tek saiasi básekeni kúsheitedi. Amanat – basqarýshy partiia jáne ol saiasi kúreske daiyn", - dedi májilis tóraǵasy.
Budan bólek, jýrnalister odan Amanat-tyń parlamenttik fraktsiiasynyń basshysy bolyp qala beresiz be dep surady.
Qoshanov bul másele Parlamentte áli talqylanbaǵanyn málimdedi.
Eske salsaq, keshe, 26 sáýirde Memleket basshysy Qasym-Jomart Amanat partiiasynyń tóraǵasy retinde ókilettigin toqtatty. Endi partiiany Májilis spikeri Erlan Qoshanov basqarady.
