Erlan Qoshanov Májilistiń jańa spikeri bolyp sailandy. Depýtattar onyń kandidatýrasyn biraýyzdan qoldap daýys berdi, - dep habarlaidy "Ult aqparat".
"QR Parlamenti Májilisiniń jańa sailanǵan Tóraǵasy - Erlan Jaqanuly Qoshanov", dep jazdy óziniń Facebook paraqshasynda Prezidenttiń baspasóz hatshysy Berik Ýáli.
Aita keteiik, Erlan Qoshanov Nurlan Nyǵmatýlinniń ornyna keldi. Búgin Ortalyq sailaý komissiiasy Nyǵmatýlinniń ótinish berýine bailanysty onyń ókilettigin merziminen buryn toqtatýǵa usynys engizdi.
Erlan Jaqanuly Qoshanov 1962 jyly Qaraǵandy oblysynda týǵan.
1984 jyly Qaraǵandy politehnikalyq institýtyn bitirgen. Al, 1999 jyly Qazaq memlekettik basqarý akademiiasyn bitirdi.
Institýt bitirgen soń Jezqazǵan ken-metallýrgiia kombinaty baiytý fabrikasynyń slesary, sheberi bolyp istedi.
1988-1990 jj. – jumysker jáne aýyl jastary bóliminiń nusqaýshysy, Qazaqstan LKJO Jezqazǵan oblystyq jastar problemalarynyń áleýmettik-ekonomikalyq bóliminiń meńgerýshisi.
1990-1995 jj. – Jezqazǵan oblystyq komitetiniń syrtqy ekonomikalyq bailanys komitetiniń jetekshi mamany, bólim bastyǵy, tóraǵasynyń orynbasary, tóraǵasy.
1995-1999 jj. – Qazaqstan Respýblikasy Parlament Senatynyń depýtaty.
1999-2001 jj. – Qazaqstan Respýblikasynyń Parlamentindegi QR Úkimetiniń ókili.
2001-2003 jj. – Qazaqstan Respýblikasy Premer-Ministri Keńsesi Basshysynyń orynbasary – Qazaqstan Respýblikasynyń Parlamentindegi QR Úkimetiniń ókili.
2003-2006 jj. – Qazaqstan Respýblikasynyń Kólik jáne kommýnikatsiia vitse-ministri.
2006-2007 jj. – Qazaqstan Respýblikasy Kólik jáne kommýnikatsiia ministrliginiń azamattyq aviatsiia komitetiniń tóraǵasy.
2007-2012 jj. – Qazaqstan Respýblikasy Premer-Ministri Keńsesi Basshysynyń orynbasary – Qazaqstan Respýblikasynyń Parlamentindegi QR Úkimetiniń ókili.
2012-2017 jj. – Qazaqstan Respýblikasy Premer-Ministri Keńsesiniń Basshysy.
2017-2019 jj. – Qaraǵandy oblysynyń ákimi.
2019 jyldan beri Memleket basshysynyń Jarlyǵymen Qazaqstan Respýblikasy Prezidenti Ákimshiliginiń Basshysy qyzmetin atqaryp keldi.
«Parasat» (2013), «Qurmet» (2007) ordenderimen jáne mereitoilyq medaldarymen marapattaldy.
Qazaq, orys, nemis tilderin meńgergen.
