Qazaqstan halqy Assambleiasynan usynylǵan QR Parlamenti Májilisi depýtatyna kandidattardy sailaý aiaqtaldy, dep habarlaidy "Ult aqparat".
«Qazaqstan halqy Assambleiasy músheleri daýys berýge 351 biýlleten aldy. Paidalanylmaǵan sailaý biýlletenderiniń sany – 157», - dedi Nur-Sultan qalasy boiynsha sailaý komissiiasynyń tóraiymy Baqyt Bektemisova.
Osy oraida ol paidanylmaǵan biýlletender joiylatynyn atap ótti.
Aita keteiik, búgin elordada Qazaqstan halqy Assambleiasynyń Parlament Májilisine QHA-dan depýtattar sailaýǵa arnalǵan HHVIII sessiiasy ashyldy.
QHA Keńesi Parlament Májilisiniń depýtattyǵyna 9 kandidat usyndy: Qazaqstan halqy Assambleiasynan QR Parlamenti Májilisi VI shaqyrylymynyń depýtaty, QHA múshesi Saýytbek Ábdirahmanov, Batys Qazaqstan oblysy armian etnomádemi «Masis» qoǵamdyq birlestiginiń tóraǵasy, QHA múshesi Avetik Amirhanian, Jambyl oblysy Qordai aýdany Sortóbe aýyldyq okrýginiń ákimi Iliias Býlarov, Kókshetaý qalasy bilim bóliminiń «Tehnikalyq litsei» KMM direktory Natalia Dementeva, «Qazaqstannyń ulttyq kollektorlar palatasy» ZTB tóraǵasy, QHA kásipkerler qaýymdastyǵynyń múshesi Iýrii Li, «Barbang» kúrdter qaýymdastyǵy» respýblikalyq qoǵamdyq birlestiginiń vitse-prezidenti, QHA múshesi Vakil Nabiev, «Shyǵys» sharýa qojalyǵynyń jetekshisi, QHA múshesi Shamil Osin, «JetisýOblGaz» JShS bas direktory Vladimir Tohtasýnov, «Ázerbaijan qaýymdastyǵy» respýblikalyq qoǵamdyq birlestiginiń tóraǵasy, QHA múshesi Abilfas Hamedov.
