QR Parlamenti Májilisi «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna tolyqtyrýlar engizý týraly» Konstitýtsiialyq zańynyń jobasyn talqylaýdy bastady, dep habarlaidy QazAqparat.
«Parlament Májilisine atalǵan Konstitýtsiialyq zań jobasy kelip tústi.
Bul zań jobasy Qazaqstan Prezidenti Qasym-Jomart Kemeluly Toqaevtyń Ulttyq qoǵamdyq senim keńesiniń ekinshi otyrysynda bergen tapsyrmalaryn iske asyrý jónindegi is-sharalar josparyna sáikes ázirlendi», - dedi Májilistiń Zańnama jáne sot-quqyqtyq reforma komitetiniń tóraǵasy Nurlan Ábdirov palatanyń jalpy otyrysynda.
«Komitet atalǵan zań jobasyn jumysqa alýǵa jáne ol boiynsha 2020 jylǵy 27 qarashaǵa deiin qorytyndy ázirleýge daiyn», - dedi N. Ábdirov.
Sonymen qatar, Parlament Májilisi «Saiasi partiialar týraly» Qazaqstan Respýblikasynyń Zańyna ózgeris pen tolyqtyrýlar engizý týraly» zań jobasy boiynsha talqylaý jumystaryn bastady.
«Bul zań jobasy da Memleket basshysynyń Ulttyq qoǵamdyq senim keńesiniń ekinshi otyrysynda bergen tapsyrmalaryn oryndaýǵa baǵyttalǵan. Qujattyń basty maqsaty – sapaly partiialyq júieni qurý, saiasi partiialardy tirkeý talaptyq shegin tómendetý. Sondai-aq zań jobasy jańa saiasi partiialardyń paida bolýyna jaǵdai jasaýǵa jáne áielder men jastardyń saiasatqa belsendi kelýin yntalandyrýǵa baǵyttalǵan. Komitet atalǵan zań jobasy boiynsha 2020 jylǵy 27 qarashaǵa deiin qorytyndy ázirleýge daiyn», - dedi Nurlan Ábdirov.
