Parlament Májilisi 18 naýryzdan 15 sáýirge deiin qashyqtyqtan jumys rejimine kóshedi. Bul týraly "Ult aqparat" Májilistiń baspasóz qyzmetine silteme jasap habarlaidy.
Mundai shara koronavirýstyq infektsiianyń taralý qaýpine bailanysty elde tótenshe jaǵdaidyń engizilýine qatysty qabyldandy.
Qaýipsizdikti qamtamasyz etý maqsatynda Parlament Májilisi ǵimaratynda parlamenttik is-sharalarǵa qatysýshylar men kelýshiler, sonymen qatar buqaralyq aqparat quraldarynyń ókilderi úshin shekteý engizildi.
Májilistiń barlyq sharalary (jumys toptary, beiindi komitetterdiń otyrystary, «úkimet saǵattary», jalpy otyrystar) Palatanyń resmi www.parlam.kz veb-saitynda onlain rejiminde kórsetiledi. Sondai-aq Májilistiń saitynda ótken sharalar týraly qysqasha málimetter men sýretter jedel túrde jariialanady.
Sonymen qatar, barlyq qajetti aqparatty baspasóz qyzmetinen: 74-63-04, 74-63-05, 74-68-44 telefondary arqyly alýǵa bolady.
