پارلامەنت مەجٸلٸسٸ 18 ناۋرىزدان 15 سەۋٸرگە دەيٸن قاشىقتىقتان جۇمىس رەجيمٸنە كٶشەدٸ. بۇل تۋرالى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ حابارلايدى.
مۇنداي شارا كوروناۆيرۋستىق ينفەكتسييانىڭ تارالۋ قاۋپٸنە بايلانىستى ەلدە تٶتەنشە جاعدايدىڭ ەنگٸزٸلۋٸنە قاتىستى قابىلداندى.
قاۋٸپسٸزدٸكتٸ قامتاماسىز ەتۋ ماقساتىندا پارلامەنت مەجٸلٸسٸ عيماراتىندا پارلامەنتتٸك ٸس-شارالارعا قاتىسۋشىلار مەن كەلۋشٸلەر, سونىمەن قاتار بۇقارالىق اقپارات قۇرالدارىنىڭ ٶكٸلدەرٸ ٷشٸن شەكتەۋ ەنگٸزٸلدٸ.
مەجٸلٸستٸڭ بارلىق شارالارى (جۇمىس توپتارى, بەيٸندٸ كوميتەتتەردٸڭ وتىرىستارى, «ٷكٸمەت ساعاتتارى», جالپى وتىرىستار) پالاتانىڭ رەسمي www.parlam.kz ۆەب-سايتىندا ونلاين رەجيمٸندە كٶرسەتٸلەدٸ. سونداي-اق مەجٸلٸستٸڭ سايتىندا ٶتكەن شارالار تۋرالى قىسقاشا مەلٸمەتتەر مەن سۋرەتتەر جەدەل تٷردە جارييالانادى.
سونىمەن قاتار, بارلىق قاجەتتٸ اقپاراتتى باسپاسٶز قىزمەتٸنەن: 74-63-04, 74-63-05, 74-68-44 تەلەفوندارى ارقىلى الۋعا بولادى.
