Búgin Parlament Májilisiniń jalpy otyrysynda palata depýtattary qoǵamdyq keńesterdiń qyzmeti máseleleri boiynsha qujatqa Senat engizgen tolyqtyrýlarmen kelisti, dep habarlaidy "Ult aqparat".
«Senat túzetýleri Májilis maquldaǵan zań jobasynyń tujyrymdamasy men mazmunyn ózgertpeidi. Senat engizgen ózgerister men tolyqtyrýlar «Samuryq-Qazyna» ulttyq ál-aýqat qorynda jáne qor tobyna kiretin ulttyq kompaniialardy qoǵamdyq keńesterdi qurýǵa bailanysty normalardy naqtylaýǵa baǵyttalǵan. Májilistiń Zańnama jáne sot-quqyqtyq reforma komiteti «Qazaqstan Respýblikasynyń keibir zańnamalyq aktilerine qoǵamdyq keńesterdiń qyzmeti máseleleri boiynsha ózgerister men tolyqtyrýlar engizý týraly» zań jobasyna Parlament Senaty engizgen ózgerister men tolyqtyrýlarmen kelisýdi usynady», - dedi depýtat Arman Qojahmetov.
Palata depýtattary atalǵan usynysqa qoldaý bildirdi.
Eske sala keteiik, 24 jeltoqsanda Parlament Senatynyń jalpy otyrysynda atalǵan qujatqa tolyqtyrýlar engizilgendikten, zań jobasy Májiliske qaitaryldy.
Májilis maquldanǵan zań jobasyn talqylaý barysynda Senat komiteti Ulttyq ál-aýqat qory men Ulttyq ál-aýqat qory tobyna kiretin ulttyq kompaniialar qurǵan Qoǵamdyq keńesti qurý jáne onyń qyzmetin uiymdastyrý tártibin naqtylaýǵa qatysty birqatar usynys engizdi.
Atap aitqanda, «Qoǵamdyq keńester» Memleket basshysynyń «Halyq únine qulaq asatyn memleket» tujyrymdamasyn iske asyrýdyń mańyzdy quralyna ainalyp otyr. Qoǵamdyq keńester – Úkimet tarapynan júrgizilip jatqan áleýmettik, saiasi, ekonomikalyq damý joldaryn aiqyndaýda, halyq pikirin jinaqtaýǵa múmkindik beredi.
