Parlament Senatynyń jalpy otyrysynda «Memlekettik feldegerlik bailanys týraly» Zańy men «Qazaqstan Respýblikasynyń keibir zańnamalyq aktilerine memlekettik feldegerlik bailanys jáne ishki ister organdary qyzmetiniń máseleleri boiynsha ózgerister men tolyqtyrýlar engizý týraly» Zańy qabyldandy, dep habarlaidy QazAqparat.
Feldegerlik qyzmetti uiymdastyratyn quzyrly organ – Premer-Ministrdiń Keńsesi. Feldegerlik qyzmettiń mindeti:
- Úkimettiń hat almasý jumysyn qamtamasyz etý;
- Memlekettik organdardyń asa mańyzdy jáne qupiia hattaryn tasý;
- Arnaiy poshtalardy Táýelsiz Memleketter Dostastyǵyna múshe elderge jetkizý.
«Bul bólimniń qyzmetkerleri ishki ister organdarynyń kadrynda tirkelgen. Sondyqtan olar qarýmen, formamen jáne arnaiy quraldarmen qamtamasyz etilgen. Biraq ishki ister organdarynyń qyzmetkerleri siiaqty, qylmys ashyp, tergeý júrgizbeidi. Sondyqtan ishki ister organdarynyń quramyna jáne shtattyq birlikterine kirmeidi.
Zań jobasyn daiyndaý kezinde halyqaralyq tájiribe zertteldi. Birqatar elder Feldegerlik bailanys týraly arnaiy zań qabyldaǵan. Olar: Resei, Tájikstan, Moldova, Ázerbaijan, Túrikmenstan jáne Armeniia», - dedi QR Ishki ister ministri Erlan Turǵymbaev.
Zań jobasynyń maqsaty - feldegerlik qyzmettiń quqyqtyq statýsyn bekitý, basqa eldermen osy feldegerlik bailanys tártibin jasaý, qyzmetkerler men olardyń otbasy músheleri úshin áleýmettik kepildikter bekitý.
«Al ekinshi zań jobasymen «Bailanys týraly» zańǵa ózgertý engiziledi. Ol jerde feldegerlik qyzmetti uiymdastyrý pýnktin alyp tastaý josparlanǵan. Sonymen qatar, «Ishki ister organdary týraly» zańǵa ózgertý engiziledi. Memleket basshysy ýchaskelik inpektorlardyń mártebesin kóterýdi tapsyrdy. Birinshiden, ýchaskelik inspektordiń quzireti keńeiedi jáne ýchaskelik inspektordyń kómekshisi laýazymy engiziledi. Ekinshiden, daktiloskopiialyq tirkeý ýaqytyn 2023 jyldyń qańtaryna deiin sozý qarastyrylǵan. Úshinshiden, Tótenshe jaǵdai qyzmeti jańa ministrlik bolyp qurylýyna orai, birqatar ókilettikter basqa memlekettik organǵa beriledi. Azamattyq qorǵaý bólinisterine tergeý júrgizý quzireti beriledi. Al, órt sóndirý qyzmeti óz aldyna jańa statýspen quqyq qorǵaý organdarynyń ishine kiredi», - dedi ministr.
