Qazaqstan Respýblikasy Táýelsizdiginiń 30 jyldyǵy aiasynda ótkiziletin is-sharalar sheńberinde Frantsiiadaǵy Qazaqstan Elshiliginde múmkindigi shekteýli jas qazaqstandyqtar sýretteriniń «Álem balalar kózimen» atty kórmesi uiymdastyryldy. Bul týraly SIM habarlady.
Is-sharany Qazaqstannyń Frantsiiadaǵy Elshiligi, «MPL Culture» kompaniiasy, múmkindigi shekteýli balalarǵa kómek kórsetetin «Aialaǵan alaqan» qazaqstandyq qoǵamdyq qaiyrymdylyq qory uiymdastyrǵan.
Sonymen qatar, qonaqtarǵa frantsýz tiline aýdarylǵan «Áýezhannyń 40 uly» atty qazaq halyq ertegisi kórsetildi. Beineli kórmelerdiń avtory Angýlem q. Animatsiia mektebinde ekinshi kýrstyń jas stýdenti Dominika Qydyrbaeva boldy. Uzaq ailar boiy bul joba boiynsha qazaqstandyqtar men frantsýzdardyń birlese eńbek etti. Búgingi tańda ertegi frantsýz jáne orys tilderine aýdarylǵan. Biraq basqa elderdiń, sonyń ishinde Shveitsariia men Germaniianyń qyzyǵýshylyǵyn eskere otyryp, nemis jáne aǵylshyn tilderindegi nusqalary daiyndalýda.
Qazaqstannyń Frantsiiadaǵy Elshisi jáne IýNESKO janyndaǵy Turaqty ókili Jan Ǵaliev óziniń alǵy sózinde «Aialaǵan alaqan» qorynyń «múmkindikteri shekteýli emes, biraq sýretterinen shyǵatyn erekshe daryny men jarqyn energetikasy bar balalardyń shyǵarmashylyǵyn kórsete otyryp», óte mańyzdy jumys júrgizip jatqanyn atap ótti.
